الأحد، 31 مايو 2009

مسرح الجنينة ، يونيو :)



سهرة مع الغجر :)

MakAn

سهرة مع موسيقى وغناء الغجر

من محافظة بنى سويف والفيوم

الثلاثاء 2 يونية 2009 الساعة التاسعة مساءً

يُشَاع أن الغَجَر يأخذون ولايعطون ، لكن ماشاع ويشيع شيء؛ والحقيقة التي يقرها الواقع الثقافي للغجر شيء آخر، فَعَطَاء الغجر كان ولايزال وفيرًا ولم ينالوا عنه مايستحقون. فالغجر مِلْح الأرض (كما يقولون) حكاياتهم مصدر إلهام للفنانين والأدباء والفنانين والشعراء، يجيدون الضحك على كل شيء بالمهارة نفسها التي يجيدون بها الضرب على الأوتار والنفخ في المزامير والضرب على الدفوف.

لقد تأثرت كل بلدان العالم بفنون الغجر الذين عاشوا على أرضها، ولم يقاس شعب من الشعوب ما قاساه الغجر، كما أنه لم تُسَن قوانين صارمة تعسفية ضد قوم كتلك التي صدرت ضد الغجر في آسيا وأوربا، ومع ذلك لم يخضعوا ولم يتغيروا، بل أهدوا العالم السعادة بقدر الألم الذي أذاقه لهم هذا العالم، ولم يكن يختلف حال الغجر (في مصر) كثيرا عن حالهم في سائر البلدان، لكنهم فلحوا مع ذلك في الاندماج شيئا فشيئا مع نسيج المجتمع المصري، وصاروا يشكلون ثروة – ليس في مجال الفن فحسب – وإنما في الإرث الثقافي الذي ظل يتوارثونه جيلا من بعد جيل، والذي راح ينعكس على أدوارهم وأنشطتهم المختلفة التي مازالوا يضطلعون بها..، وفي هذا السياق يسر المركز المصري للثقافة والفنون أن يقدم لأصدقائه الكرام جانبا مهما من تلك الجوانب التي تميز فيها الغجر وتفوَّقوا، وهى سهرة يوم الثلاثاء الموافق 2 يونية والذي سوف تقدمه مجموعة ستأتى خصيصا من محافظة بنى سويف، ونأمل أن نكون (بما نقدمه لأصدقائنا) مستمرين على درب التواصل في الفن وفي الثقافة.


فى

"مكــان"

1شارع سعد زغلول – على يمين ضريح سعد زغلول - 11461- الدواوين – القاهرة

(1 وليس 1أ شارع سعد زغلول)

ت : 27920878 00202

أسعار التذاكر 20 جنيه





الخميس، 28 مايو 2009

محمود رضوان ..أصغر نحات صلصال في مصر





حوار :شيماء الجمال

كان طفلاً صغيراً يلعب بالصلصال ،فكبر وكبرت معه هوايته التي اصبحت كل عالمه ،يصنع بقطع الصلصال التي يلعب بها الأطفال في المدارس تحفاً فنية وتماثيل منمنمة يصل طول بعضها ل 2سم فقط كل هذا بدون أن يعلمه أحد فن النحت ..

اقرأ هذا الحوار مع أصغر نحات صلصال


عرفني بنفسك.

أنا اسمي محمود مصطفى رضوان،طالب في كلية تجارة جامعة القاهرة،الفرقة الأولى.


احكيلي ذكريات أول قطعة صلصال ؟

كان تقريباً عندي 9 سنين ، كنت أنا وأخويا أشقياء جداً فماما اشترلتنا صلصال عشان نلعب بيه ولاحظت اننا بنعرف نعمل منه أشكال كويسة ،و أحياناً كانت بتنزل بالساعات تشتري حاجات وترجع تلاقينا لسة بنلعب ومش منتبهين لاي شئ في الدنيا غير اللعب بالصلصال فإهتمت بينا وبقت تشجعنا وتشتري لنا صلصال دايماً.بعد لما كبرنا شوية اخويا حب الرسم واتجه له وأنا حبيت الصلصال وكملت فيه.


وازاي الناس عرفتك ؟

وأنا عندي تسع سنين تقريباً ،عرضت مجموعة من التماثيل في مكتبة سوزان مبارك وكان موجود وقتها دكتور يعقوب الشاروني- كاتب قصص مشهور- و قالي اني موهوب واني سابق سني،وبعد كدة اهتمت بيا مجلة سمير وعلاء الدين وكتبوا عني وبقيت صحفي ناشئ . بعد كدة توقفت لمدة أربع سنوات لأن الدعم والتشجيع اختفوا فالحماس اللي جوايا راح،لحد ما اتنقلت مدرسة تانية وعملت فيها معرض فرجع الإهتمام تاني بصورة أقوى شوية ،بعدها مجلة سمير ساعدتني أني أوصل لدكاترة من فنون جميلة وعرضت معاهم في حديقة الجزيرة.


عملت معارض رسمية ليك لوحدك؟

آه عملت معرضين واحد كان في قاعة عبد السلام الشريف بنقابة الصحفيين من حوالي سنتين، وواحد تاني كان في قاعة بيكار بنقابة الصحفيين برضه وده كان السنة دي .


وايه الفرق بين المعرضين ؟

الفرق ان المعرض التاني كان فيه اقبال كويس جداً ،ينمي مثلاً لو الأول جه فيه 350 شخص الثاني جه فيه 1500 وده فرق كبير في عدد الزوار ،غير ان المعرض التاني كان فيه اهتمام كبير من التلفزيون ووسائل الإعلام.


كلمني عن الصلصال بقى شوية .

أنا بستخدم الصلصال العادي جداً اللي بيستخدموه الاطفال في المدارس ، اسمه العلمي بلاستوسين ،وده بيتباع في المكتبات ،بجيب كذا لون وببدأ أعمل منهم الشكل اللي عايز أعمله و بالنسبه للملامح الدقيقة بستخدم لعملها خلة أسنان أو دبوس ..شئ رفيع جداً و مدبب عشان يساعدني على تشكيل الملامح. في النهاية لما التمثال بيخلص بدهنه بطبقة غراء ابيض عشان تحافظ عليه و يبقى صلب أكتر .

زمان لما كانت بتجيلي فكرة كنت بنفذها من غير تخطيط ،دلوقتي الموضوع مختلف لأني بدرس الملابس والحركة والملامح والنسب ما بينها ..الموضوع اختلف تماماً.


ليه مش بتبيع شغلك رغم اعجاب الناس بيه ؟

لأني بحس ان الشخص اللي هياخد التمثال مش هيقدر يحافظ عليه زي ما انا هحافظ عليه أو بالشكل الصحيح..أنا بحس أني ما بيني ومابين كل تمثال بعمله بتنشأ صداقة وأنه صاحبي وأكيد ببقى مقدره جداً ،فمش عارف الناس هتقدره زي ما أنا هقدره ولا لأ ؟ضيفي على كدة أننا في مجتمع طبقي فمش هعرف أحط السعر على أي أساس بحيث انه يكون مناسب لكل الطبقات.


سمعت انك هتشارك في مسلسل صلصال ،الكلام ده صحيح ؟

آه ان شاء الله ،أنا شغال فيه بالفعل ،صديقتي المذيعة انجي الكنبشاوي شافت تماثيلي في أحد معارضي وقالتلي انه فيه مسلسل صلصال جديد واني ممكن أشارك فيه وفعلاً، رحت وقابلت الناس وآديني شغال..


وازاي بتحركوا العرائس الصلصال في المسلسل؟

في المسلسلات بنعمل وجه واطراف العروسة بس بالصلصال و بيكون جواها نوع من انواع السلك المعدن اسمه "كاراكاس" والباقي بيكون عبارة عن ملابس..بعد كده بيبقى فيه شخص مسئول انه يحرك العرايس دي وحد تاني يصور كل حركة منفردة وبعدين تبقى فيلم على بعضه ..نفس فكرة الكارتون بالظبط. الخطوة اللي بعدها اضافة الأصوات والمونتاج.


نفسك تحقق ايه بالصلصال ؟

على المدى القريب نفسي جداً أنحت تمثال لأوباما وأهديهولوا لما يجي مصر! أما على المدى البعيد فنفسي أنحت كل وجوه رؤساء دوال العالم و أعرضها في معرض واحد . ده غير اني نفسي أستمر وأكبر في مسلسلات الصلصال.احنا لحد دلوقتي ما عملناش ولا فيلم سينما بالصلصال مع انه الأفلام دي محققة نجاح كبير قوي برة لأنها فيها فن عالي وتكلفتها أقل ..


حاسس ان فيه اهتمام كافي بالمواهب اللي زيك ؟

لأ طبعاً ! الناس هنا فاكرين ان الإهتمام انهم يقولولي شاطر برافو عليك ويطلعوني في التلفزيون كل شوية ،ده ممكن يحمسني ،لكن عمره ما هيعلمني ..كنت من كام يوم بتفرج على فيديو على موقع يوتيوب ،ولد عند ه12 سنة بينحت وجنبه ما لا يقل عن عشرين نحات بيوجهوه، كل واحد في سكة معينة ..عشرين واحد بيعلموا عيل صغير ..انتي متخيلة ؟

الدعم الحقيقي ان الدولة تدينا كورسات وتسفرنا بره نحضر معارض ونحضر ورش عالمية.

الثلاثاء، 26 مايو 2009

هتبقى حفلة جامدة جداً :)


هتبقى في الساقية ..دوسوا ع الصورة عشان تكبر وتعرفوا تقروا التفاصيل :)

معرض فوتوغرافيا تشكيلية



Fine Art Photography Exhibition
معرض فوتوغرافيا تشكيلية

تحت رعاية
وزير الثقافة
فاروق حسنى

يتشرف الفنان / محسن شعلان
رئيس قطاع الفنون التشكيلية

بافتتاح معرض الفنان
أيـمن لطفى

وذلك في الثامنة مسـاء الأربعـاء الـموافق ٣ يونيــو ٢٠٠٩
بقـاعة «أحمــد صبــرى» بـمركـز الجزيــرة للفنـون: ١ شـارع الشيـخ الـمرصفى بالزمــالك

تليفون : 27373298 - فاكس: 27373296
يستمــر الـمعرض حتى ١٧ يونيــو ٢٠٠٩
يوميًا من الساعة ١٠ صباحًا حتى ٢ ظهرًا
ومن ٥ مسـاءً حتى ٩ مساءً - عدا الجمعـة

مهرجان الساقية الخامس للأفلام التسجيلية ( اضغط هلى الصورة للتكبير)




هذا الأسبوع في مسرح الجنينة :)

الخميس 28 مايو جاز شرقي

9:00 فرقة الدور الأول

الجمعة 29 مايو موسيقى الراي

9:00 فرقة صحرا

------------------------------

فرقتين جامدين جداً جداً

التذاكر 5 جنيهات

مسرح الجنينة- حديقة الأزهر- طريق صلاح سالم- الدراسة

نرجو مراعاة عدم التدخين أو إحضار المأكولات أو المشروبات داخل المسرح

نرجو مراعاة الوصول الى الحديقة قبل موعد الحفل بنصف ساعة

لمزيد من المعلومات يرجى الاتصال بـ 23625057

الأحد، 24 مايو 2009

من البوم مهرجان الكوربة2009 - تصويري









بوتان (كانت فكرة باب عن السياحة والثقافات المختلفة وفكس !)






جبال عالية تغطي قممها الثلوج ، قبيلة النالونج، رهباناً يرتدون اللون الأحمر طول الوقت ، أزياء مزركشة ،أعضاء ذكورية على ابواب البيوت لمنع الأرواح الشريرة، رمز التنين في كل مكان ..يبقى انت أكيد أكيد في بوتان !!


بوتان يا سيدي مملكة مختفية داخل جبال الهيمالايا ، تحدها الهند من الجنوب والصين من الشمال ،المملكة استطاعت الإستفادة من عزلتها في الحفاظ على تراثها من الضياع والإختلاط بالبلاد الأخرى وذلك عن طريق منع السياحة وعدم السماح للأجانب بزيارة البلاد . استمر الوضع كده الى العقود الأخيرة في القرن العشرين ،حينها فقط قررت البلد الإنفتاح ع البحري وتحويل نشاطها لنشاط سياحي ،دلوقتي بوتان واحدة من أجمل المناطق السياحية اللي ممكن تروحها !


البلد مقسمة لقبائل معظمها قبائل تيبيتية (من التبت ) ولكن ده لا يمنع ان فيه بعض القبائل النيبالية ،وأشهر قبيلة هناك هي قبيلةالنالونج Nalong . يدين 75% من السكان بالديانة البوذية أما ال25% الباقيين فيدينون بالديانة الهندوسية و بيسموا نفسهم دروكباس Drokbas يعني " ناس التنين " ولغتهم الأساسية هي الدزونكا Dzonka .


الإحتفالات الدينية مهمة جداً ، وفيها تأتي كل القرى المجاورة للمشاركة حيث يرتدي الرجال والنساء والأطفال ملابسهم الفلكلورية وتقام عروض واستعراضات راقصة و مواكب للكهنة .

الثلاثاء، 19 مايو 2009

رسمي ...



أغنية السعادة لكريم نجيب .. برافو بجد

السعادة
ياللي بتسأل عالسعادة..ياللي بتسأل عالحياة
السعادة مش في منصب أو فلوس كتير وجاه
السعادة في ابتسامة طفل لسه الخير جواه
دا احساس واحد بيغرق وبترميله طوق نجاه
متعش تفكر فماضي اوعي تياس وابقى راضي
حتى لو حلمك بعيد هتوصلو دا اكيد
هتعيش بسيط هتموت سعيد
اياك تستسلم لو وحيد
اوعاك تقول انا مش مميز اكيد جواك في شيء فريد
عيش الدنيا واوعى هيا تعيشك يوم
افضل احلم
واوعى تلوم لو وقعت اكيد هتقوم اوعى تيأس
لو مهموم ليه هترضى تعيش مظلوم
الكلام دا اكيد مفهوم زي ابرة في خيط ملضوم حتى لو فكرك مزحوم

دايما اضحك للمشاكل
عيش مسئول ماتعش سائل
لو خسرت اكيد هتكسب
مش هتخسر لما تتعب
اوعى تتردد وتهرب
حاول من ربك تقرب
بس جرب
بس جرب
بس جرب

عايز اقولك كلمة واحدة ياللي فبالي بالساعات
انتي كنزي وانتي عمري واللي جاي واللي فات
مهما قالو ومهما عادو ومهما كانت التضحيات
انا جمبك للنهاااااااااااااااااااااااااااااية
------------
كريم نجيب مغني راب موهوب وشاطر البومه "لوحدي" هايل ..كريم تايه وسط زحام المطربين النص كم ..بجد يا كرم برفعلك القبعة :)

راسه والف جزمة ان أنا مش ناس


الأناناس فاكهة جميلة وطعمها أجمل ،بس عيبها الوحيد تقشيرها وغلو ثمنها ،ونظراً لأني بحبها فبشتريها معلبات من السوبر ماركت كل شهر ولا حاجة ..النهاردة كنت نازلة اشتري طلبات وقلت لفرفور هسيبك مع تيتة وهجيبلك حاجة حلوة وأنا جاية ...لما جيت سألني جبتيلي ايه ؟ قلت له "جبتلك أناناس " ..قاللي "لأ انتي مش ناس ،انتي مامي" ، "يابني أناناس دي فاكهة هي اسمها كدة" ، يهديك يرضيك مافيش فايدة ! ....فراس راسه والف جزمة ان أنا مش ناس :)*

أرض الحب حديقة حول الجنس فى الصين



تم منع الحديقة باعتبارها بذيئة

اطلقوا العنان لخيالكم وتخيلوا لو الحديقة دي كانت هنا ..الناس أعصابها تعبانة خلقة وشغالين تحرش ، تروحوا تحطلهم كل المثيرا ت في الجنينة ؟! عشان يبقى فرجة وتطبيق !! الصورة دي من الصور القلة المحترمة اللي الجورنال لاقاها وعرف يحطها ،اتفضلوا اكتبوا loveland على جوجل وشوفوا الصور ..حاجة فل يعني
------------------
المصدر: اليوم السابع

منعت السلطات الصينية مشروعا لإقامة أول حديقة تتمحور حول موضوع الجنس كان يفترض أن تفتتح فى الأول من أول أكتوبر فى جنوب غرب البلاد، لأنها "بذيئة" وبسبب تأثيرها السلبى على المجتمع، على ما ذكرت الاثنين الصحف الصينية.

وأثار مشروع "لاف لاند" (أرض الحب) انتقادات كثيرة بسبب منحوتات عملاقة لأعضاء تناسلية وورشة عمل حول تقنيات الجنس، وكان يفترض أن يفتح أبوابه فى منطقة شونغكينغ، لكن السلطات قررت بعد إجراء تحقيق إلغاء المشروع كليا، على ما أوضحت صحيفة جلوبال تايمز.

وأوضح مسئول محلى للصحيفة أن التحقيق أظهر أن محتوى الحديقة بذىء وليس له أى هدف تربوى، مضيفا "سيكون له تأثير مضر على المجتمع، لذا تقرر تفكيكه بسرعة".

وقال هى شيزونغ المسئول فى بلدية المدينة، إن الشركة المشرفة على المشروع لم تأبه لمسئوليتها الاجتماعية وكانت تسعى فقط إلى كسب الربح من الإثارة.

وكانت صور عن الحديقة تسربت إلى الإنترنت الأسبوع الماضى وأثارت جدلا كبيرا وتعليقات مناهضة لها بغالبيتها. لكن البعض أعربوا عن خيبة أملهم من إلغاء المشروع.

ونقلت الصحيفة عن أحد هؤلاء قوله "لماذا تم تفكيك الحديقة، كيف يمكن لدولة أن تصبح قوية إذا لم تتمتع بانفتاح ذهنى".

الاثنين، 18 مايو 2009

ازاي تعرف ان اللي أدامك عنده جلطة ؟؟ ايميل مهم وصلني




يقول أحد أطباء القلب، لو أن كل من استلم هذه الرسالة قام بإعادة إرسالها إلى 10 أشخاص فقط، يمكنك أن تنقذ روحاً واحدة على الأقل- بإذن الله من جلطة دماغية


خلال حفل شواء، تعثرت 'فتاة' و سقطت، فطمأنت الجميع أنها بخير، حيث عرضوا الاتصال بالإسعاف، و قالت أنها تعثرت بحجر بسبب حذائها الجديد. فأعانوها على الوقوف، و قدموا لها طبق طعام آخر،وفيما كانت ترتعش، قررت ' الفتاة ' الاستمتاع فيما تبقى من المساء اتصل زوج ' الفتاة ' في وقت لاحق ذلك المساء ليخبر الجميع أن زوجته في المستشفى ... و في السادسة من ذلك المساء...... توفيت ' لقد ! أصيبت بجلطة في الدماغ في ذلك الحفل، و لو علموا أعراض الجلطة، لربما كانت ' الفتاة ' حية اليوم.


إن قراءة هذه الرسالة تستغرق دقيقة فقط....أرجوك أكمل التعرف على الجلطة:


يقول طبيب أعصاب، أنه إذا تمكن من الوصول إلى مصاب بالجلطة خلال 3 ساعات فقط، يمكنه عكس مفعول الجلطة..... كليّةً !!! يقول أن الأمر يتطلب فقط التعرف على أعراض الجلطة، وتشخيصها والوصول إلى مريض الجلطة خلال 3 ساعات فقط، و هو أمر ليس بصعب ..


أقرأ التالي و تعلم أحياناً تكون أعراض الجلطة سهل التعرف عليها و لسوء الحظ، فإن قلة الوعي قد يسبب كارثة. مريض الجلطة قد يعاني ضرراً بالدماغ، في الوقت الذي لا يفطن فيه من حوله إلى إصابته بالجلطة .


و الآن يقول الأطباء أن عابر سبيل يمكنه التعرف على أعراض الجلطة بسؤال المريض 3 أسئلة:
1 - أطلب من المصاب الابتسام

2 - أطلب منه أن يرفع كلتا ذراعيه
3 -أطلب منه أن يقول جملة بسيطة ، مثال: "الحمد لله رب العالمين'


إذا كان أو كانت تجد صعوبة في أي من هذه المهام، فاطلب الإسعاف فوراً، و صف الأعراض لهم ،،،،،،،،،،،،


بعد ما اكتشف الباحثون أن مجموعة من المتطوعين غير الطبيين قادرون على اكتشاف الضعف بالتحكم في تعابير الوجه ( السؤال الأول) ، أو الضعف بالذراعين ( السؤال الثاني) أو مشاكل النطق (السؤال الثالث) ، بدأوا يحثون العامة على تعلم هذه الأسئلة الثلاث ، لقد قاموا بعرض استنتاجاتهم في الاجتماع السنوي لرابطة الجلطة الأمريكية في فبراير الماضي. إن الانتشار الواسع لهذا الفحص البسيط سيؤدي إلى التشخيص المناسب و العلاج للجلطة، و يمنع الإضرار بالدماغ


يقول أحد أطباء القلب ، لو أن كل من استلم هذه الرسالة قام بإعادة إرسالها إلى 10 أشخاص فقط ، يمكنك أن تنقذ روحاً واحدة على الأقل


،،،،بإذن الله،،،،



الأحد، 17 مايو 2009

حمزة نمرة : الغناء أمل وسعادة وحرية


حوار : شيماء الجمال

احلم معايا ،ببكرة جاي ولو مجاش احنا نجيبه بنفسنا
نبدأ ،نحاول في الطريق
كتر الخطاوي ..تدلنا على حلمنا

هذه كلمات احدى أغاني حمزة نمرة بعنوان "احلم معايا" ، وهو اسم البومه الاول أيضاً . يلقبه البعض بمطرب التنمية البشرية ،أو المطرب الملتزم أو مطرب الإنسانيات ،لكنه فقط انسان حساس ومبدع يغني ما يشعر به..يؤمن أن الأغنية الراقية قادرة على تغيير ثقافة جيل بأكمله.. حول بداياته و طبيعة أغنياته كان لنا معه هذا الحوار

في البداية..عرفنا بنفسك أكتر ؟

أنا اسمي حمزة نمرة مغني وملحن ،بدأت من عمر 17 سنة من الإسكندرية واختلطت مع معظم الإتجاهات الموسيقية في الإسكندرية ،وفي نهاية 2008 أصدرت ألبومي الأول "احلم معايا " وده كان معظم أغانيه مكتوبة ومتلحنة من حوالي 10 سنين ..أغنية احلم معايا معمولة من 99 .

كلمنا عن نوعية الأغاني اللي بتغنيها ؟

أنا عموماً بغني الحاجات اللي بحسها وغيري بيحسها ،تقدري تقولي ان أغانيّ تندرج تحت بند "الإنسانيات " وهي مش الأغاني العاطفية المتعارف عليها.

طب وليه فكرت تغني السكة دي رغم ان هي ملهاش سوق قوي ؟

أنا شايف انه ده الوقت المناسب اني أبدأ بالنوع ده لأني حاسس ان الناس بقت محتاجة ده ، الناس زهقت من أغاني الحب التقليدية وعايزين حاجة تلمسهم بجد وأكيد الناس بتحس حجات تانية غير الحب اللي بين الراجل والست ..التفاؤل،الأمل ،السعادة ،الحرية .. يعني في حجات كتير مختلفة وجديدة ممكن الواحد يغنيلها.

اتعاملت في ألبومك مع شباب كتير مش معروف ..كلمنا عن التجربة دي ؟

احنا فريق عمل واحد باديين مع بعض من زمان،من أيام الدراسة ، سامح خيري هو مؤلف معظم الأغاني وبعض الشباب الآخرين من ضمنهم الدكتورة دينا ،عموماً أنا اتعرفت على الناس اللي بتعامل معاهم من منتديات الشعر العادية جداً اللي على الإنترنت واخترتهم لأني توسمت فيهم الصدق وحسيتهم.

أنا لحنت 6 أغاني من الألبوم والباقي لحنهم ملحنين شباب من اصدقائي ..عموماً الموضوع ماخرجش عني أنا وصحابي .


وايه الأغناني اللي صورتها من الالبوم ؟

صورت أغنية "احلم معايا " ودلوقتي بتتعرض على معظم القنوات الفضائية الغنائية والمفروض انه في اتجاه لتصوير أغنية تانية ،لكني لسة ما استقرتش،الشركة المنتجة هي شركة " أواكننج " اللي بتنتج لسامي يوسف ومسعود كرتيس .

دايماً بتقول ان الغناء ممكن يطور في الشخصية .. ليه شايف كدة ؟

عموماً ده مش رأيي لوحدي ، ده راي كل علماء النفس والتنمية الذاتية ان الموسيقى بشكل عام بتأثر في الوجدان البشري سواء شئنا أم أبينا . الواحد لما بييجي يسمع أغنية كان بيسمعها في طفولته بيعيش نفس الاحاسيس اللي كان بيعسشها وقت لما كان بيسمع الأغنية وبالتالي الفن عموماً بيسيب جوانا حاجة من غير ما نحس ..وده اللي بيخليني أركز قوي في كلمات الاغاني اللي بغنيها.

آخر حفلة عملتها كانت في ابريل 2008 ..انت ليه مقل كده في الحفلات ؟

معاك حق ..أنا افعلاً مقل شوية في الحفلات بس ده لأن أغانيّ ليها طابع خاص ،مش أغاني راقصة، محتاجة تركيز وتأمل فبالتالي مش هتبقى ترفيهية للناس اللي جاية تهيص..ده بيخليني أختار المناسبات والأماكن اللي بتواجد فيها ..يعني ان شاء الله هيبقى فيه حفلات في الأوبرا ويمكن ساقية الصاوي .

يعني هو ده اللي خلاك تكون متواجد في المؤتمر الصحفي لمهرجان التنمية البشرية الأول اللي هيتعمل في يوليو القادم ؟

بالظبط كده ،طبيعة المهرجان متناسبة تماماً مع اللي انا بغنيه عشان كده حسيت اني لازم أكون موجود وأغني أغاني من شأنها رفع الروح المعنوية.وان شاء الله أشارك في المهرجان في يوليو القادم.

Related Posts Plugin for WordPress, Blogger...

زوار المدونة