السبت، 10 سبتمبر، 2011


العنف/ ضد السلام والعنف ما بيتجزأش بلاش نضحك على نفسنا .. العنف هو العنف والسلم هو السلم .. لو في ناس عاجبها العنف ده موضوع تاني بقى، بس ما ينكروش إن اللي حصل إمبارح إسمه "عنف" واللي حصل على الحدود منهم إسمه "عنف" برضه
In the memory of 9/11, I would like to send a message to my friends all over the world "ISLAM IS THE RELIGION OF PEACE". My name is Shaymaa el Gammal ... I'm a MUSLIM and I'm NOT a TERRORIST ♥+ I'm against what happened yesterday at Israel Embassy !!

ريفيو عن الكتاب :)

ريفيو عن الكتاب على موقع rebook.me /إبراهيم عادل

http://rebooks.me/%D8%AA%D9%80%D8%A7%D8%A1_%D9%85%D8%B1%D8%A8%D9%88%D8%B7%D8%A9/

الأربعاء، 7 سبتمبر، 2011

«حالة المصري»: ديوان شعر عن مصر والمصريين


شيماء الجمال
ارتباط
خاص بموقع
http://www.cairo360.com

العنوان: حالة المصري: بشر وبواقي حياة
المؤلف: هيثم دبور
النوع: واقعية
تاريخ الإصدار: حالياً بالمكتبات
اللغة:عربى
متوفر في: معظم المكتبات

اللي يقرأ الديوان ده هـ يحس أن فيه كثير من قصائده مكتوبة بعد الثورة لأنها بـ تنتقد الأوضاع السلبية بشكل مباشر وصريح ما اتعودناش عليه قوي قبل الثورة، لكن المدهش أن كل قصائد الديوان ده كُتبت بالكامل قبل الثورة ونُشر معظمها في جريدة المصري اليوم في عمود هيثم دبور الأسبوعي "إززز".

عنوان الكتاب والألوان المستخدمة في الغلاف والتصميم البعيد عن الفوتوغرافيا اللي متعودين عليها من أهم الحاجات اللي هـ تشدك في البداية لشراء الكتاب، وبعد ما تشتريه وتفتح السوليفان وتبدأ في تصفح الكتاب هـ تجذبك جدًا التصميمات الجميلة اللي منفذها المصمم محمد عبد العال واللي بـ يغلب عليها استخدام الخط العربي بشكل متميز وشبابي يمكن ما شفناهوش قبل كده في كتب الشعر.

عدد قصائد الديوان 85 قصيدة بـ تناقش مواضيع سياسية واجتماعية وإنسانية وبـ تثبت أن هيثم دبور واحد من الشعراء الشباب اللي بـ يفرض نفسه بقوة على الساحة، وبرغم أننا اتعودنا نقرأ منه كتابات ساخرة زي كتاب "أول مكرر" وكتاب "دستور 212"، إلا أن الديوان ده فيه حالة شجن بـ تغلفه وهـ تسيب أثرها عليك بعد الانتهاء من قراءة الديوان.

أول قصيدة في الكتاب اسمها: "الإمضاء: هيثم دبور" كان من المهم جدًا أنها تكون أول قصيدة في الديوان، قصيدة طويلة من خمس صفحات بـ تلخص تقريبًا جزء كبير من المشاكل اللي كانت بـ تضايقنا كلنا في مصر واللي بـ ينهيها هيثم بقوله: "أنا جرة قلم عايشة، وطول ما هي عايشة راح تطلب، تعيش حرة".

فيه قصيدة ثانية حلوة كمان بعنوان "قشر اليوستفندي"، قصيدة رومانسية بـ يعرفنا هيثم فيها أنه خلاص انتهى زمن الكلام عن عيون الحبيبة وعن مسك الإيدين وبـ يقول فيها: "زي قشر اليوستفندي، ريحته تفضل في الإيدين، والموسيقى التصويرية، اللي لما الفيلم يخلص مش ناسيها، زي خط شنب صناعي باقي من "مج" الكاكاو".

فيه مواضيع شعراء كثير تناولوها في قصائدهم زي موضوع الغُربة، اللي عبر عنه هيثم بصراحة شديدة لما قال: "والدي العزيز المحترم، خليك هناك.. وما تكابرش، عليتك أحق بكل قرش، وابعت حوالتك في الميعاد، وإذا اتوجعت من البُعاد، بص لصورنا وافتكر، أنك بـ تعمل كل ده لجل الولاد، ابنك.. فؤاد".

وبعنوان "ديجافو" بـ يقدم لنا هيثم قصيدة عن برامج التوك شو وأسلوبها الممل في التكرار وبـ يقول: "يووه ما تجيب قناة ثانية، زهقت م التوك شو، نفس الكلام ده قالوه، نفس الحدث متعاد، والاختلاف في الاسم، مش برضه نفس الشعب، والنهب هو النهب.

الديوان هـ يفضل يسحبك في القراءة لحد ما تلاقي نفسك انتهيت من الـ 188 صفحة في وقت قصير جدًا، لكن بعد شوية هـ تحس أنك عاوز ترجع تقرأه ثاني وتبدأ تحلل كلام هيثم وهـ تكتشف مع الوقت أنه كلام عميق جدًا.. في الجول، أعمق مما كنت تتصور في البداية.





عن المؤلف: من مواليد مايو1986 ، كاتب وصحفي في جريدة المصري اليوم ومُعد برامج، له عمود شعر ثابت ينشر يومي "الخميس والجمعة" بعنوان "إززززز". صدر له خمسة كتب كان آخرها كتاب دستور 212.

عجبك ؟ جرب ": ديوان "ويسترن يونيون فرع الهرم" لمصطفى إبراهيم، ديوان "أزمة منتصف العمر" هيثم دبور.


Related Posts Plugin for WordPress, Blogger...

زوار المدونة