حبني وحبيته ..

رأيته في ساقية الصاوي فوقعت في حبه ووقع في حبي :)

جدول المركز الدولي للتنمية الثقافية

لقراءة الجدول ..اضغط على الصورة

شيماء الجمال : بهرب من الواقع و المجتمع !

شيماء الجمال .. صحفية .. شابة .. مصرية .. أم .. دماغ ..حالة .. مهتمة بالثقافة .... تكتب في كلمتنا واليوم السابع و غيرها من المجلات و الصحف العادية والالكترونية .. كما أن مقالاتها تنقلها مواقع الانترنت ..
عاشت سنوات عمرها بين عدد من الدول و مع عدد من الجنسيات ..
تعتبر من الشخصيات المميزة .. بداخلها تمرد خفي سوف نلاحظه في كلامها .. و ذكاء في اختيار الألفاظ..

حوار أجراه معي محمد التهامي على مدونته بني آدم مع وقف التنفيذ ،لتكملة الحوار ..اتفضل روح عند محمد تهامي :)

تهامي ..مش عارفة أقول غير شكراً !!

فضايح ..فضايح..

بعد أزمة كتاب "الخليج البريطانى" وطمعاً فى دعوة مقبلة لمعرض الكتاب بها..

اليوم السابع ينفرد بنشر اعتذار صاحب "اكتب" للسعودية

كتب محمد البديوى

فى رد فعل غير متوقع ولم يحدث من قبل فى تاريخ التعامل مع دور النشر، قام يحيى هاشم مدير دار اكتب للنشر بتصرف غريب، حيث قدم اعتذاراً رسمياً لكل الجهات الحكومية السعودية وغير الحكومية، بسبب ما سماه "ما صدر نتاج كتاب الخليج البريطانى".

ويأتى هذا الاعتذار من صاحب دار اكتب بعد قيام السلطات السعودية فى 12 مارس الماضى بمصادرة كتاب "الخليج البريطانى .. كيف صنعت بريطانيا دول الخليج العربى" للزميل الصحفى إيهاب عمر، بعد تحقيقه مبيعات كبيرة فى أول 4 أيام من المعرض، ومصادرتها كذلك كل كتب الدار ومنع أيمن شوقى مسئول الدار من مغادرة السعودية إلا بعد التحقيق معه، ويبرر الوسط الثقافى تصرف "هاشم" بسبب خوفه من عدم دعوته مرة أخرى لمعرض الرياض للكتاب.

ولم يكتف هاشم بذلك وإنما تبرع من تلقاء نفسه بإبلاغ هذه السلطات، أن المسئول عن فحص الكتب قبل النشر تمت إقالته، لأنه "حسب الاعتذار" لم يقدم لنا ما يوضح ما جاء فى الكتاب، وبالتالى هاشم لم يطلع عليه ولم يعرف ما جاء فيه.

تضمن اعتذار هاشم استنكاراً لما حدث قائلاً "إننى كمالك للدار أستنكر كل ما حدث ولا أقبله، وإننا نكن كل احترام وود لكل السعوديين شعباً وحكومة، ولا نقبل المساس بهم بأى صفة"، كما أعلن هاشم دعمه للسعودية فى مصادرة الكتاب قائلاَ "نعلن تأييدنا الكامل للسعودية كرمز للإسلام والمسلمين".

كملوا الخبر هنا واقروا التعليقات

نشر الرسالة

---------------------
الوسط الثقافي ماله !! هنلاقيها من أكتب ولا من ملامح :( أنا المفاهيم كلها مشوشة عندي ما بقتش عارفة مين الصح ومين الغلط

اللاجئون الأفارقة يحتفلون بيوم اليتيم

تحديث :

كنت عايزة اقول لكم ان اللاجئين السودانين متمركزين في المعادي،في كنائس المعادي بيتم الإهتمام بيهم و الصرف عليهم وتعمليمهم،الولاد لبسهم نضيف جداً زي ما نوا شايفين ،بيتكلموا انجليزي زي الفل ، ما تحسهمش زي الولاد اللي في الملاجئ المصرية. اللي لما سألت واحدة منهم عندها 15 سنة بتعملوا ايه في الملجأ قالتلي بنلعب كهربا !!..سؤال برئ :مش عيب لما الأجانب ياخدوا بالهم من السودانيين واحنا قاعدين نتفرج ومش بنعمل حاجة؟؟أنا معلوماتي على قدي بس اللي يعرف فيكوا ملجأ أو مكان بيهتم يالسود سواء السودانيين أو الافارقة و يكون اللي عاملينه مصريين يبقى يقولي عليه .!!

امبارح رحت الحديقة الدولية عشان يوم اليتيم و خدت ابني معايا ..أخدت عهد على نفسي اني هاخد فراس و اخليه يلعب مع الأيتام و أخلى ده عادة عنده .المحزن في الموضوع ان يوم واحد في السنة مش كفاية على الأيتام المفروض يبقى يوم كل شهر ،فيها أيه لما يخرجوا كل شهر و يروحوا جنينة و الناس تغنيلهم وتهيصلهم ؟العيال كانوا فرحانين بطريقة غير عادية.

اللي شدوني قوي الأيتام أولاد الللاجئين الافارقة والسودانيين ..مش عارف، بحبهم جداً جداً لعبت معاهم وصورتهم كتير قوي ،فراس كان خايف منهم في الأول عشان لونهم ،لكني اصريت انه يلعب معاهم ويتعود عليهم..مش عايزاه يخاف او يكش من حد لمجرد انه اسود !

الولاد كانوا فرحانين جداً بفراس و فضلوا يلعبوا معاه وأصروا يتصوروا معاه ،واحد منهم اتصور مع فراس صورة وبصله بصة معبرة جداً ..بعد لما شفت الصورة حسيت ان معناها جميل جداً ..صورة ضد العنصرية، فيها براءة غير طبيعية ..صح ولا أيه؟؟

على صوتك

عدد جديد من المجلة الجميلة علي صوتك ..المجلة متنوعة ،منظمة،هادفة ..بجد شئ جميل :)

النهاردة في أيه ؟

النهاردة السبات 4-4:

حفل توقيع كتاب " هذه هي أمريكا ..يوميات طالب في بلاد العم سام" ،الساعة 7 مساء في مكتبة البلد.

محاكمة ماجدي الشافعي ومحمد الشرقاوي بسبب رواية "مترو".

حفل توقيع الكتاب الرائع حبة هوا لوليد طاهر في مكتبة الشروق فرع المهندسين و عنوانها: 26 شارع محمد كامل مرسى من البطل احمد عبد العزيز

يا تري ايه اللي هيحصل النهاردة؟ 1 ابريل

عرض باليه على الجليد : بحيرة البجع و سندريلا ،فرقة موسكو للباليه ، دار الاوبرا المسرح الكبير ،11ص-2م،.

في الساقية فيه حفل موسيقى شرقية للفنان أشرف محروس،قاعة الحكمة ، الساعة8 م.

خبرلذيذ :

دلوقتي مش لازم تروح الزمالك وتطخ المشوار عشان تشتري التذاكر، فيه دلوقتي كذا Outlet للساقية خد عندك:

نادي هليوبوليس:شركة لينك من 10 ص-10م

كريب اواي سيتي ستارز:من9ص -

كافيه مكاني :المهندسينن9 ش عمر متفرع من سوريا 24 ساعة

سيلنترو المعادي طريق النصر،2/7 24 ساعة

أنا ووسط البد والقهوة والتاون هاوس !!

يوم الجمعة اللي فاتت رحت جاليري التاون هاوس أشوف الدنيا فيها أيه،أنا مش عارفة بجد المنطقة دي أيه سر الجمال والسحر اللي فيها ، ليه بحب أروح هناك؟المكان جميل ..بدروم وجراج معمولين جاليري ومبنى تاني معمول مكتبة،المكان شارع النبرواي المتفرع من شارع شامبليون جنب الجامعة الأمريكية كده..اللذيذ في الامر ان المكان بيهتم بالفنون المعاصرة ،مش نظلم اللوحات الزيتية الحمضانة اللي عفا عليها الزمن..حجات روشة جداً والله العظيم :)

ده غير بقى القهوة اللي جمب التاون هاوس ..جميييييلة،أنا بقيت أحب أقعد ع القهوة قوي وقدرت ليه الولاد بيدمنوها ،هي فعلاً ادمان ..احساس جميل كدة انك تطلب "عناب" بخمسة وسبعين وتقعد تقرأ الجورنال وتسمع بقى المثقفين المخابيل ..الناس هناك مخابيل والمصحف واحد فضل ساعة يكلم واحد ويقول والله العظيم والله العظيم ومش بيقول حاجة!! فضلت أضحك لما كنت هموت ههههههههههه .الراجل طلع في الآخر فنان تشكيلي .

الورشة اللي حضرت المعرض بتاعها اسمها "سوا"،وفكرتها ان الفنانين بيجيبوا اعلانات قديمة ويعيدوا تصميمها بما يناسب روح العصر مع إضفاء لمسة ساخرة عليها ،بجد مت من الضحك ..تعالوا نتفرج سوا (أكنكوا جيتوا معايا بالظبط) :

المفروض ان ده اعلان كريم (نظام كريم اسمنتكو كده)

ده أصلاً اعلان شفرات حلاقة جيليت

اعلان عن زيت موبيل للطائرات(لاحظ التوكتوك في الخلفية)

يا ستات تعالوا نغسل عربياتنا !!

بشوفها كتير بتغسل عربيتها،مشمرة البنطلون،لابسة الشبشب،ماسكة خرطوم المية،بتدندن على أنغام المزيكا المنبعثة من كاسيت العربية .. مدام منى ،الست الشيك ،اللارج اللي ما قدرتش أمسك نفسي من أني أتكلم معاها !

مدام ،أنا بس عايزة أقول لحضرتك اني معجبة جداُ بيك و بأنك كل شوية تغسلي عربيتك وتسقي الزرع بنفسك ..ممكن أدردش مع حضرتك شوية ؟

ميرسي قوي اتفضلي..

هو أيه سر غسيل العربية ؟

(تضحك) مش عارفة ..أنا بستمتع و أنا بعمل حاجتي بنفسي عندي حاجة تقدري تعتبريها وسواس -بس وسواس ايجابي حبتين- ان محدش هيهتم بحاجتي قد ما أنا ههتم بيها،حاجتك لما يبقى أيدك فيها عمرها ما تتبهدل وعمرها يطول..أنا معودة بناتي الثلاثة على كدة يعملوا كا حاجة بإديهم.

بس حضرتك من الواضح انك ميسورة وتقدري تخلي حد يشرف على نظافة العربية و الجنينة..البوا ب مثلاً

أنا عندي بواب يابنتي،بس هو ربنا ادانا الصحة ليه! عشان نقعد نضيع وقت في الفرجة على التمثليات..دي حاجة لا عيب ولا حرام..وبعدين دي متعة..برة كل واحد بيعمل حاجته بنفسه ،مفيش الإتكالية اللي عندنا دي.

و أيه أخبار الجيران ؟

بصراحة، أنا كنت خايفة شوية في الأول يقولوا أيه الست المجنونة دي وكنت بخاف من نظرات الرجالة خصوصاً البوابين والعمال .بس لقيت الناس متقبلة الموضوع جداً لدرجة إن في بعض الستات ابتدوا يغيروا مني.

دخلت مكتبي أكمل شغلي وفضلت أسمع مزيكا وفيروز وأصالة واليسا وصوت دندنة جميلة..بعد ساعتين كاملين خرجت لقيتها لسة شغالة في العربية ،ماسكة قماشة وبمنتهى الحسوكة عمالة تلمع الكاسيت بتاع العربية زرار زرار!

التحضر ياجماعة سلوك..بجد الست دي ورتني قمة التحضر،واحدة ولاهممها رجالة ولا ستات . اللي هاممها انها تعمل حاجة صح،بتستمع بحياتها كما ينبغي و مش عايشة دور القنعرة الكذابة ..من النهاردة مش هخلي البواب ينضف لي عربيتي ،هنضف عربيتي بنفسي ...يلا يا ستات قوموا نضفوا عربياتكو .

ملحوظة:الكلام ده مش هدفه الكلام عن العربيات ومش هدفه اني اتمنظر بالماروتي العرة اللي بركبها ،الهدف منه نشتغل وخلاص ،ونعمل حاجة مفيدة في حدود البيئة اللي عندنا !

العرض الأخير لـ"ماكيت ومواطنون" فى تاون هاوس 8 أبريل

كتبت شيماء الجمال-اليوم السابع

يقيم جاليرى التاون هاوس يوم 8 إبريل فى الساعة السابعة مساءً، عرضا أخيرا للماكيتات الخاصة بورشة "ماكيت ومواطنون " التى أقيمت فى شهر مارس. أدار الورشة الكا وسترهولت وأكا أوتنتايس، وهما ثنائى متخصص فى بحث العلاقة بين الناس وبيئاتهم. كما تم دعم هذه الورشة بواسطة مؤسسة فوندز الهولاندية ومؤسسة هيفوس لينكس وسفارة المملكة الهولندية.

مشروع ماكيت ومواطن يبحث فى بناء الأنتكخانة، وهى المنطقة التى يوجد بها تاون هاوس جاليري، بوسط البلد - القاهرة، وهو يقدم رؤى بديلة لمستقبل المنطقة، حيث يهدف لتحويلها إلى منطقة صديقة للسياح، ويشمل الماكيت مبنى الجاليرى وملحقاته وقصر وردى من الرخام مهجور وجراج وعمارة سكنية واثنين من المقاهى وفيلا.

تم بناء الماكيت أثناء إقامة الثنائى لمدة ثمانية أشهر فى تاون هاوس جاليرى بمساعدة فريق متفرغ من الفنانين. وسيتضمن المعرض أربع قاعات، الأولى تضم الماكيت وأخرى تضم استوديو مفتوحاً لتصميم التوسيعات والتجديدات التى يتخيلها سكان الحى، والقاعات الأخرى تضم مواد أرشيفية خاصة بالحى، مثل الوثائق القانونية والصور وتسجيل صوتى للقاءات التى تم إجراؤها مع الأهالى، وفى نهاية المعرض سيتم تسجيل المشروع فى كتيب صغير يجمع كل تفاصيله والمشاركين فيه.

الصاوى وناعوت .. فى قصر الأمير طاز

كتبت شيماء الجمال-اليوم السابع

يقيم قصر الأمير طاز احتفالية لديوان أجراس ومسرحية اللعب فى الدماغ بحضور الفنان والكاتب خالد الصاوى، وذلك يوم الجمعة الموافق 17 إبريل الجارى فى تمام الساعة السادسة مساء.كما تلقى الشاعرة فاطمة ناعوت قصائدها على الجمهور، و يدير الاحتفالية الصحفى الشاب مصطفى فتحى. صدر ديوان أجراس للفنان خالد الصاوى عن مؤسسة شمس للنشر والإعلان وهو يقع فى 140 صفحة من القطع المتوسط ، ومن أجوائه:

أشكرُ السنوات الغابرة
حينمَا كنتُ فقيرًا.. ضائعًا.. مُهدَرًا

أشكرُ جسدي.. قاربى الذى ونّسَنى
فى محيط الحياة
محتملاً قسوتى وانفجارى الوَشيك