كتبت:شيماء الجمال
العنوان:1001 نصيحة رومانسية
النوع: تطوير ذاتي
تاريخ الإصدار:حاليا بالمكتبات
اللغة:العربية
السعر: 97 جنيه
متوفر في :مكتبات الشروق
هل إنت من الأشخاص اللي بيهتموا بالحب والعاطفة والمرح والرومانسية؟ لو إجابتك كانت "نعم" يبقى الكتاب ده مخصوص ليك.
كتاب 1001 فكرة رومانسية لجريجوري جيه. بي. جوديك Gregory.j.p.Godek من الكتب اللي مضمونها بيبان من عنوانها، وهو بيندرج تحت بند كتب الself-helpأو المساعدة على تطوير الذات وده طبعا لأنه بيتضمن مئات الأفكار اللي بتخلي حبك ومشاعرك مش مجرد إحساس في قلبك ناحية شريكك وإنما بيخليك تعبر عن مشاعرك بأفضل شكل ممكن عشان تبقى علاقتك العاطفية مع شريكك نابضة بالحياة والإثارة من خلال الهدايا والإشارات وتهيئة الجو ومفاجأة شريك حياتك وكمان من خلال التجارب والنصائح الشخصية لمؤلف الكتاب.
أحسن حاجة في الكتاب ده هو إخراجه الداخلي اللي بيخلي قراءته تجربة مفيدة وممتعة الكتاب متقسم لنقط وفصول وفقرات بتخلي الأفكار منظمة ومرتبة. والجميل فيه إنه بلونين الإسود والفوشيا بمشتقانه، وده بيخليه يدخلك في المود الرومانسي فعلا ده غير إنه مليان quotes أو عبارات مأثورة في الحب هتساعدك إنك تكتب رسائل حب لحبيبك. الظريف كمان مئات الإقتراحات لأغاني وأفلام رومانسية تصلح لكل مشاعر الحب المختلفة زي الإعجاب والحب والعشق والشوق واللهفة والغيرة وغيرها كتير.
الحاجة الوحيدة السلبية في الكتاب ده بالنسبالنا كقراء مصريين إن الكتاب مليان إقتراحات بماركات محلات ومنتجات معينة كلها موجودة ف أمريكا زي مثلا محل ورد معين أو محل بيقدم الشيكولاتة بطريقة معينة او مطاعم وده طبعا مش مفيد قوي . يمكن فيه شوية أفكار أون لاين ومنتجات ممكن تجربها لو كنت بتستخدم فيزا كارد وتقدر تتعامل أون لاين.
أكتر حاجة هتخلي قراءة الكتاب ده مسلي هي إنك تقراه وأنت متصل بالإنترنت وكل ما الكتاب يقترح أغنية تروح عامل عليها search وتبدأ تسمعها فورا وإنت بتقرا الكتاب هتلاقي نفسك لا إراديا دخلت في مود من الرومانسية والحب وهتحس إنك نفسك تكلم شكريك وتعبر له عن مشاعرك.
الكتاب دسم جدا ومش خفيف كما قد يبدو عليه، عدد صفحاته 500 صفحة وينفع يبقى هدية رائعة للحبيبة أو الخطيبة أو الزوجة وينفع كمان هدية في عيد الحب أو عيد الجواز لأنه بجد مهم لأي coupleبيحبوا يعض.
عن المؤلف:
جريجوري جيه.بي. جوديك معروف على مستوى العالم بإنه "خبير الرومانسية الأمريكية" وهو صاحب اكثر الكتب مبيعا ومحاضر عام. ظهر في برامج تلفزيونية كتير زي برنامج "أوبرا" و"دوناهيو" وأعطى مئات المحاضرات في الرومانسية والحب لمجموعات كتيرة منها الجيش الأمريكي! عشان تعرف كل حاجة عنه زور موقعه
عجبك؟ جرب: الرجال من المريخ والنساء من الزهرة لجون جراي
هناك 3 تعليقات:
تحياتي شيماء! لا أعرف كيف وصلت إلى مدونتك! لكني سعيدة جدا بقراءة موضوعاتك المميزة :) زيارتي الأولى وبالتأكيد ليست الأخيرة. أسعد بزيارتك كذلك :)
www.cnn.com
إرسال تعليق