الأربعاء، 11 أبريل، 2012

بكون فرحانة لما..


-بيبقى نفسي اشتغل في مكان وبعرف اشتغل فيه.

-بكتب حاجة تعجب الناس وتغير فيهم.

-بلاقي محمد بيبص ليا بصة فيها حب.

-بسمع غنوة قديمة من أغاني التسعينات.

-باكل مع ناس بحبهم أو باكل أكلة حلوة لوحدي وأنا قاعدة بتفرج على فيلم أو ع اللاب توب.

-بشوف أصحابي اللي بحبهم بجد ونقعد ننكت ونهيس ونضحك من قلبنا.

-بروح الجورنال وبقعد أهرج مع أصحابي.. عموماً بكون سعيدة قوي لما بروح الجورنال.

-ببص لوش حد من وشوش الولاد(عيالي)  وألاقيه كويس... اتعودوا بقى على كلمة الولاد دي من هنا ورايح.

-اشتري كتاب وادفع فيه فلوس ويطلع حلو.

-أروح سيتي ستارز وادخل فيرجن وأحس إني محاطة بالكتب والمزيكا من كل ناحية..ممكن أقعد هناك ساعة لوحدي بدون مبالغة!!

-أحس بحالة صفاء داخلي واحس إن ربنا راضي عني وبيحبني وحاسس بيا.

-أساعد حد إنه ينجح أو يوصل أو يحقق أي حاجة نفسه فيها.

-أقف قدام المرايا وأحس إني راضيه عن مظهري.

-أتعلم حاجة مكنتش بعرف أعملها قبل كدة.


-أروح شبرا كل وييك إند عند جدتي.


وانت كمان قول بتكون فرحان امتى ؟
share happiness with ppl

هناك تعليقان (2):

Noha Abdel-Tawab يقول...

Cool initiative ya Shimo!

I'll post something myself and keep you posted ;)

Iman El-Ashry يقول...

Nicely written Shaimaa way to go :)

Related Posts Plugin for WordPress, Blogger...

زوار المدونة