مقالي الإسبوعي بجريدة عين
كل بنت أكيد عندها فارس أحلام بتنام بليل وبتفكر فيه وبتقعد تستنى اليوم اللي هيجمعهم القدر فيه ويتجوزوا .. لكن المفاجأة المؤلمة أنها ممكن ما تلاقيهوش أبداً. ومش معنى كلامي أنها مش هتتجوز أو مش هتحب.. بالعكس، دي ممكن تلاقي واحد مميز جداً تحبه وتتجوزه وتعيش طول عمرها معاه وهي سعيدة لكن ممكن ما يكونش الشخص ده ليس علاقة بفارس الأحلام اللي ياما حلمت بيه.
ممكن فارس الأحلام يبقى هو حبيبنا اللي بنتجوزه لكن توقعوا ان العمر يخلص كله من غير ما يجي فارس الأحلام أو يجي ويكون قدامنا ومش من حقنا،، مهو عشان كده إسمه "فارس أحلام" ماسموش "فارس حياة" أو" فارس واقع"!
عارفة ان الكلام اللي بقوله ده غريب شوية، لكنه في النهاية واقعي، هل تقدري تضمني ان بباكي هو فارس أحلام مامتك أو أن مامتك فتاة أحلام بباكي؟
فارس أحلام صديقتي شاب مثقف وبيحب القراءة والمزيكا، فنان، شخص طموح وحساس بيغني وصوته وحلو ودايماً بيغنيلها وهو بيلعب بيانو..جوز صاحبتي مدمن بلاي ستيشن، عنيف ، عصبي، بيكره القراءة ورغم ذلك بتحبه جداً وما تقدرش تعيش من غيره.
يا بنات ما تدوروش على فارس الأحلام.,. دوروا على راجل كويس تتجوزوه
ليست هناك تعليقات:
إرسال تعليق