طعم البيوت
...البوم عامل حالة !!
كالعادة تألق" محمد منير" في ألبومه الجديد "طعم البيوت" الذي وصفه النقاد بأنه " عامل حالة في مصر "، و قال عنه بعض الموسيقيون بأنه " أفضل ألبوم نزل السوق منذ 20 عاما ً" !!. بصراحة إعتبرت هذا الكلام مبالغة ً في البداية، أو عبارات دعائية تقال عند صدور أي ألبوم جديد لزيادة مبيعاته حتى سمعته بنفسي و كونت عنه رأيا متواضعا ً .
أول إنطباع كونته هو أن هذا العمل مميز و فريد من نوعه ، بداية ً من الغلاف الذي أبدع الرسام في تصميمه فهو رسم ل"محمد منير"_ وليس " فوتوغرافيا" كالعادة ، الوان الغلاف تعكس بوضوع فصل الصيف فنجد أن اللون الأزرق بدرجاته هو اللون المسيطر غلى الغلاف.
أسمع معي عذوبة و تمرد الكلمات ..ماهذا المزيج الغريب؟ :
" مش محتاج أتوب ..حبك مش ذنوب ولا عشقك خطية..أنا محتاج أدوب..قلب وروح وتوب..يا أجمل حاجة فيا".
" جدران بتحضن جوه منها قلوب كتيرة ، و أبواب بتقفل ع الجنايني وع الوزير،شباك موارب من وراه واقفة الصبايا ، قضوا النهار في الوقفة قدام المرايا،أسرار كتير على دي البيوت في الشارع الطيب يا ناس، ما يبانش منها غير اللي يطلع منه صوت".
" بحبك شمس في بردي ، تغطيني بالدفى الوردى، بحبك حلم على قدي،يا أغلى يا أغلى ما عندي..وادي حالي.
ندخل على المزيكا :
مزج" منير" بين العديد من أنواع الموسيقى في الألبوم و حتى في الاغنية الواحدة، تسمع الأغنية تلاقيها" شرقي" و مرة واحدة تقلب" جاز" ! سوف تشعر أنك تسافر مع الموسيقى من مكان لمكان من" أمريكا" ل "أوروبا" لل "نوبة" !!
أجمل شئ في" منير" هو قدرته على تجديد أغاني العمالقة والحفاظ على ال تراث القديم وإعتزازه بالنوبة وكل اللي يجي من النوبة. إسمع كيف غنى" منير" أغنية " يابو الطاقية" التي غنتها" صباح" ولحنها "الرحبانية"، لو لم تكن سمعتها منها فستظن أنها أغنيته من شدة إجادته لتأديتها ، إسمع أيضا ً أغنية" نيجري بيه" التي غناها مع كورال" براعم بنات أبو سمبل" وهي أغنية من الحان الفنان النوبي الكبير" أحمد منيب" .
مزج" منير" بين العديد من أنواع الموسيقى في الألبوم و حتى في الاغنية الواحدة، تسمع الأغنية تلاقيها" شرقي" و مرة واحدة تقلب" جاز" ! سوف تشعر أنك تسافر مع الموسيقى من مكان لمكان من" أمريكا" ل "أوروبا" لل "نوبة" !!
أجمل شئ في" منير" هو قدرته على تجديد أغاني العمالقة والحفاظ على ال تراث القديم وإعتزازه بالنوبة وكل اللي يجي من النوبة. إسمع كيف غنى" منير" أغنية " يابو الطاقية" التي غنتها" صباح" ولحنها "الرحبانية"، لو لم تكن سمعتها منها فستظن أنها أغنيته من شدة إجادته لتأديتها ، إسمع أيضا ً أغنية" نيجري بيه" التي غناها مع كورال" براعم بنات أبو سمبل" وهي أغنية من الحان الفنان النوبي الكبير" أحمد منيب" .
"محمد منير" فنان صادق أثبت للجميع أن أفضل طريق للوصول هو التمسك بكل ذرة من تراب هذا البلد و الإستعانة بخبرات الغرب و تقدمه فيما يناسبنا فقط ..و يا ريت نفهم !
هناك 4 تعليقات:
بصراحة الشريط فوق الوهمى بجد شريط معدّى فعلا من احلى الشرايط اللى سمعتها من زمان
مفيش اغنية فى الشريط مش عجبتنى
و اقول بس ملحوظة صغيرة انا بعشق اغنية ابو الطاقية بجد بموت فيها و الملحوظة بقا انى مكنتش اعرف ان فى حد غناها قبل منير بصراحة كنت فاكراها اغنيته لسه عارفة حالا لما قريت المقال....
شكرا على التعليق لكن إنت نسيت/ نسيتي الإسم ....مين معايا ؟
الشريط حلو فعلاً، ومبدأياً أنا بحب "أغاني" منير جداً وبسمعه من وأنا في ابتدائي، وما بسمعش مغنّي ذكر غيره غير علي الحجار وأغاني متفرّقة لناس تانية، وكنت بحب منير كشخص شفته فنان حقيقي، لكن منير أثبت إنه مش شخص جدير بالاحترام!
مش هقدر أحترم شخص المفروض إنه مثقف وبيقول على نفسه إنه "محرّض سياسي" و"مش ضد حاكم أو محكوم" ،وييجي يعمل أغنية لمبارك في مسرحية الانتخابات الرئاسية (في حب مصر)، اتخذها مبارك كشعار لبرنامجه الانتخابي، وأنتج إتحاد الإذاعةوالتليفزيون الكليب بتاعها !
ساعتها منير قال إنه اتضحك عليه، واضطر يعمل كدا عشان أيمن نور اتخذ من أغنية " من أول لمسة" شعار لحملته!
الكلام يضحّك صبراحة، ايه علاقة دا بدا، وفين الاضطرار أو الخديعة الّي تمّت ممارستها على منير!
ما علينا، في حوار عمله محمود سعد مع منير بمناسبة ألبوم "طعم البيوت"، ما قدرتش أشوف الحوار كله لكن ضمن كلام منير عن مشروع القراءة للجميع وصف سوزان مبارك بـ "سيدة مصر الأولى"!!
يمكن مفيش أسوأ من الوضاعة غير التظاهر بالنبل في نفس وقت ممارسة الوضاعة دي!
والفنان في رأيي مش واحد صوته حلو، أو ممثل أداءه كويّس، أو حد بيجيد كتابة الأدب، الفان يعني حد زي جوليا بطرس مثلاً،اللّي غنّت لحزب الله المسلم الشيعي رغم إنها مسيحية، وعملت ألبوم بيذهب جزء لا بأس به من إيراداته لصالح إعمار لبنان، غير تبنّيها لمشروع "أحبائي" اللّي كان بيهدف لجمع تبرعات لإعادة أعمار لبنان.
الفنان حد بيتبنّى شيء أو رسالة معيّنة وبيجنّد موهبته لصالح الرسالة دي، لكن منير للأسف مش كدا، حتى في حفلاته بيسكت عن التجاوزات الفظيعة لبتوع الأمن في حق جمهوره.
..
أرجع تاني للألبوم بقى، يمكن الأغنية اللّي سببتلي صدمة أغنية "معاكي بضحك بصوت عالي" مش قادر أفهم ازاي مجدي نجيب كتب كلمات بالركاكة دي!
"يفرحني صوتك الهامس..أسرح لمّا نتهامس..في صوتنا لمّا يتلامس..ويسرقني نغمي هامس ويحلالي"
لكن عشان ما أبقاش سلبي، الألبوم يمكن أحلى ألبوم لمنير من ساعة ألبوم "الفرحة"، وأغنية نيجري بيه أحلى أغنية نوبي منير غنّاها، دا غير أداء منير الوهمي في الأغنية الوهمية "كان فاضل" اللّي شايفها من أجمل أغاني منير على الإطلاق.
عمرو القمحاويjust human
أولا خليني أشكرك أوي عشان دخلت هنا :) بجد يسعدني تشريف انسان فنان زيك للمدزنة.مدونتك atermathبقت من أقرب المدونات في قلبي، مش هتصدق اني قريتها كلها ف يوم واحد.
أما يا سيدي بالنسبة لمنير فأنا معرفوش كويس على الصعيد الإنساني ،كل اللي أعرفه عنه أغانيه وبس
أغني معاكي بضحك بصوت عالي بتعجبني أوي فيها "أحبك شمس في بردي" انما في المجمل معاك حق الكلمات فعلا مش بنفس قوة الباقي.
أغنية يادوب فعلا مميزة جدا و انا كمان زيك شابفة انها توب و الكليب بتاعها حلو جداً و مليان احساس.
إرسال تعليق