أيام وأيام

الخوف ان ما يبقاش في إسهال :)
كان الجو حاراًوالأجساد مبتلة بالعرق ... أنا و زوجي محمد نركب سيارتناعائدين للمنزل.. قلت لمحمد"أنا جعانة قوي يا حبيبي ومش قادرة أطبخ لما نروَح، الحر مخليني مش طايقة نفسي"وكنا بجوار شبرا فإقترح محمد أن يدعوني لتناول الغذاء عند مطعم يعرفة جيدا ً فوافقت و شكرته.ولكن هل تعرفون ماذا تناولنا؟
فوجئت بمحمد يقف عند عربة كبدة وسجق .."حبيبتي ، هناكل كبدة و سجق من عند عبده تيفود"...فغرت فاهي،بجد تنحت " إنت بتهرج يا محمد احناهناكل من هنا؟"،" دي ماما ما بتبطلش كلام عن الكبد الوبائي و الأمراض..أنا خايفة". صاح محمد ضاحكا ً " يا شيخةبطلي جبن ويلا تعالي شوفي هتاكلي أيه"،قلت له و إبتسامه صفراء تعلو وجهي" لا ياعم ..أنا هقعد هنا في العربية،وإنت هاتلي نصين فينو،نص كبدة و نص سجق و ربنا يستر".
بعد خمس دقائق،عاد محمد يتمختر وفي يديه أطباق الفينو والبلدي و المخللات..عندمارأيت الأطباق تذكرت فورا ً مسرحيةالواد سيدالشغال " أطباق ممضية من مستر قيناوي نفسه، متزوقة بصراصير ع الجمبين"،كانت الأطباق بلاستيكية رديئة، تلك التي ترفق كهدية مع لبن نيدو .
المهم،عندما رأيت السندويتش،ضحكت كثيرا" هاهاهاها..أيه ده؟ هو السندويتس صغر كده ليه؟أيه اللي سخطه كدة؟ “،فتحت السندويتش من باب الفضول – أو من باب الإحتياط – حتى أرى ما بداخله،والله مش عارفة أوصف لكم:شوية حجات مهروسة،وصلصة،وبصل،وعك كتير . و لم أر أي كبده ولا سجق، ومع ذلك كان شكل الطعام شهيا يسيل له اللعاب !
قضمت أول قضمة...ياااه السندويتش جامد جدا ً،تناولت النصف الأول ، و الثاني،ثم طلبت من محمد أن يسأل الرجل المزيد.وجلست آكل في نهم السندوتشات اللذيذة .. و أضع الشطة،وأشرب الماءوالعصير..حتى كاد الطعام أن يقتلني.
قلت لمحمد بعد ذلك " محمد،أنا خايفة أوي..والله ما عنديش مانع تطلع لحمة حمار،لحمة كلب، بس تطلعش لحمة بايظةأوحمضانه".ضحك محمد قائلا ً "يا روحي أنا متربي ع الراجل ده، كلت منه لما قلت يا بس..هي ديتها شوية إسهال و خلاص"، صحت قائلة ً"أيه ! إسهال؟ انت بتهرج؟".رد " يا شيماء الإسهال ده معناه إن كل الميكروبات والفيروسات خرجت من الجسم..الخوف بقى ما يبقاش فيه إسهال ! المكروبات و الجراثيم هتنتشر جوه الجسم !"إنفجرت من الضحك من اجابته..بدت لي ظريفة جدا و كوميدية..كوميديا سوداء،و تمنيت من الله في سري أن تمر الليلة بسلام و أن يمنحني الله الصحة و طول العمر حتى أكتب هذا الكلام .

خارج النص:الرغيف البلدي سعره جنيه و نص، والرغيف الفينو سعره جنيه..قولولي لحمة أيه دي بأه و النبي ؟!