الأحد، 19 يونيو، 2011

ستيتيوسات الإسبوع :)


حاجة تجنن!! الكلام في قلبي..الكلام في عقلي..الكلام على طرف لساني ومش راضي يخرج على الورق ..مش راضي ..مش راضي..نفسي
أعرف أكلم الورقة زي ما بكلم نفسي.

---
شفت فيلم امبارح عن اتنين متجوزيين خانوا بعض في ليلة واحدة و هما بيحبوا بعض جداً وقعدت أتفرج على الفيلم لمدة ساعتين كاملين وفي آخر لقطة في الفيلم دخل البطل الصبح - بعد الخيانة - لقى مراته قاعدة بتشرب سيجارة جنب الشباك وعنيها مدمعة..قالها إنتي بتعيطي قالتله لا مفيش حاجة راح واخدها في حضنه........وبس ...خلص الفيلم والتتر نزل !!!!!!!!
--
الأولاد صعبو المراس هم محركو المستقبل ومغيروه..فهم يعرفون ما يريدون ويملكون الطاقة والعزيمة لتحقيق ما يصممون على فعله.فهم لا يفتقرون إلى المثابرة، كما أن شخصيتهم ليست ضعيفة..قد يكونون بريين، صعبي المراس ومتعبين، ولكن تربيتهم ستعلمك اشياء كثيرة عن الحياة وعن نفسك
مترجمة عن كتاب TRICKY KIDS
--

كلمة السر: فيرجن ميجا ستورز
--
أعلمهم القراءة..ليفكوا شفرات الحياة :)

--
يا جماعة فيه فرق كبير بين السلفي اللي عايز يهد الآثار وياخد فدية والسلفي المحترم اللي كل هدافه انه يرضي ربه بالطريقة اللي هو شايفها صح..من حقه يربي دقنه عشان هو مقتنع إن دي سنة ومن حقه يلبس جلابية عشان هو عايز ياخد ثواب ومن حقه يستخدم السواك بعد كل صلاه ومن حق مراته تنتقب. ومن حقه عليك إنك ما تقعدش تتريق عليه في الفيس بوك والجرايد بهذا الشكل المهين...خليك إنسان متحضر وآمن بحرية الآخرين
--

دلوقتي بس عرفت فايدة دعوة: ربنا يوقفلك ولا الحلال :) شكراً يارب على كل ولاد الحلال اللي حطيتهم في طريقي اليومين دول .
---
كتاب رحلتي مع غاندي لأحمد الشقيري..كتاب أكثر من رائع قريته كله في قعدة واحدة.

ليست هناك تعليقات:

Related Posts Plugin for WordPress, Blogger...

زوار المدونة