الجمعة، 27 يوليو، 2012

انسجام.. كتاب عن الحب

كتبت: شيماءالجمال

العنوان:  انسجام
المؤلف:  شيماء فؤاد
تاريخ الإصدار: حاليا بالأسواق
اللغة: العربية
متوفر في: معظم المكتبات

لوكنت شخصية رومانسية، لو كنت قارئ خفيف ما بيحبش الإطناب والإسهاب، لو كنت من هواة قراءة وتجميع الأقوال الماثورة فالكتاب ده مناسب ليك تماماً..

كتاب إنسجام هو الأول لشيماء فؤاد اللي بتعرف نفسها كباحثة في علوم التغيير ومجال العلاقات الإنساني،. وهو عبارة عن تجميع لخلاصة قراءتها المختلفة والمتنوعة عن الرومانسية و الحب زي ما بتوضح للقارئ في مقدمة الكتاب.

الكتاب بيناقش فكرة الحب كحاجة إنسانية أساسية وبيعرض موضوعات مختلفة متصلة-منفصلة عن  الحب وفترة الخطوبة والحياة الزوجية واحتياجات الستات ومطالب الرجالة والشيء الممتع فيه هو قطعه الصغير اللي بيخليه مناسب إنك تاخده معاك في كل حتة وتتسلى فيه، ده غير إنك ممكن تسيبه وترجعله تاني كل شوية لأن مواضيعه مش مترتبة على بعض في القراءة. هتلاقي كمان إن كل العناوين الجانبية ملونة بلون زهري واضح عشان يرتب أفكارك وقت القراءة.

المختلف في الكتاب ده هو إن فيه بعض القراءات الإسلامية المتعلقة بالحب ود هبيخليه مناسب لثقافتنا نوعا ما. ومن أمثلة الموضوعات دي "رومانسيات من بيت النبوة" وده بيستعرض إزاي الرسول صلى الله عليه وسلم كان بيعامل زوجاته بكل حب. موضوع "إسلاميا ت صغيرة"وده بيستعرض نماذج للرومانسية والحب واحترام المرأة في الإسلام.

ومن مواضيع الكتاب: لا تتزوجي هذا الرجل، الزوج الذي تكرهه المرأة، الزوج الذي تحبه المرأة، هل تحترم شريكك؟، شجاعة الإعتذار، أقول مأثورة في الحب والزواج، هرم ماسلو وهرم خوفو، كيف تختارين زوجا وغيرها كتير.

عن المؤلفة: شيماء باحثة في علوم التغيير ومجال العلاقات الإنسانية اشتهرت بمدونتها 
 ensegam.blogspot.com 
عجبك؟ جرب: الرجال من المريخ والنساء من الزهرة لجون جراي.

ليست هناك تعليقات:

Related Posts Plugin for WordPress, Blogger...

زوار المدونة