مش عارفة اعمل ايه ولا ايه ؟!
الحاجة المتميزة شوية في حياتي, والي حاسة إن أكيد مش كل الناس مرت بيها :هي إني اتجوزت و أنا عندي 19 سنة ويمكن ده غريب في عام 2005-السنة الي إتجوزت فيها-وغريب أكتر لو شفتوني لأني مش إستايل البنت البيتوتية إلي اتجوزت بدري عشان تقعد في البيت !!مش هكدب عيكوا التجربة دي كانت صعبة جدا و منصحش اي بنت بيها_الزواج المبكر_ , الموضوع كان مرهق للغاية ...بيت ومذاكرة .. وبعد كدة حمل وولادة ( إنجاب) وشغل ..بجد تعبت..لو شفتوني دلوقتي هتستغربوا ...عندي 22 سنة وعندي طفل عمره سنة ونصف و بشتغل و....و.....بقعد افكر احيانا ان في بنات كتير اوي في سني لسة بيروحوا الكافيهات ولسة بيلفوا الدنيا وانا قاعدة هنا لوحدي_أنا وإبني _ بكتب مذكراتي..لاكن برجع وأقول إني لازم أحمد ربنا وأبص لنص الكوب المليان مش الفاضي واعتبر أن ربنا ميزني بكل النعم دي وانا صغيرة.
هناك تعليق واحد:
أنا رأيي إيجابي
لأن فرصة الزواج المبكر عفة
واللي أتاخد منك فأول شبابك هيرجعلك فأخره. لما تكبري ويكون أبنك شاب صغير وأنتي شابة كبيرة فهتحسي أن الحياه أجمل وأنك الوحيدة اللي بتتمتعي بالحياة دي
بس الأهم تحسني تربيتة
هو ردي بيوصل ولا الموضوع قديم فخلاص؟
أنا أول مره أدخل الويب دي بس حبيته عشان خفيف كده
إرسال تعليق