أيام وأيام

خبرمن حتة إسمها كاثماندو معرفش هي فين بالظبط بس هي أكيد في آسياو يمكن في النيبال على وجه التحديد ، الخبر شدني معرفش ليه فقلت أترجمه :

"بوذا يعود من جديد"

بام بهادر بومجام 18 سنة من النيبال -زي ما قلت- شاب صغير أصبح له الآن من يعبده و يصدق أنه بوذا نفسه و لكنه مبعوث في جسد هذا الشاب, تناسخ الأرواح reincarnation يعني !! بقى الأستاذ بقاله 3 سنين بيتضرع جوة شجرة و الناس كلها ملمومين حواليه عشان كراماته ! الجهاز الرئيسي للبوذية في نيبال بيقول أنه " بامجام مش بوذا ولا عمره هيكون بوذا ..أصله مش زيه ف حجات كتير !اينعم هو شاطر في التضرع لكنه صغير كده و شكله معندوش خبره،بوذا ما بقاش بوذا من فراغ..بوذا بقى بوذا عشان خبرته." يا ولا يا ولا

أهالي البلد متضايقين جداً ،واحد منهم بيقول "أنا جيت مسافة 13 ميل عشان أشوف جلالته دي معجزة بوذا رجع تاني يا ناس ..احنا كلنا مراقبينه بقالنا 10 ايام ،ده لا بياكل ولا بيشرب ..ده إله في صورة بني آدم"..

ومدد يا سيدي العريان مددددددددددد :)