الجمعة، 28 نوفمبر 2008


شوية أخبار للمهتمين بالقراءة ..
جورنال وشوشة بيطلع كل يوم أربع ، فيه صفحة مميزة جداً يحررها حسن الحلوجي مع الكتاب الشباب .حسن الحلوجي في رأيي أفضل من حاور الكتاب ،بيطلع منهم حجات حلوة جداً.

جورنال عين ،بيصدر يوم الخميس بليل فيه صفحة جديدة اسمها اكتب ف أي وقت ..لذيذة قوي بتنشر إسهامات القراء ..بحبها قوي.

ما فعله العيان بالميت،مجموعة قصص قصيرة للسينارست بلال فضل شدتني من أول قصة ،أول قصة اسمها زبادي عجبتني جداً جدً و في كام واحدة بجد جامدين برافو يا بلال !

الصراحة بقى الدستور الإسبوعي بقى حاجة مسخررررررة ،بيطلع كل يوم أربع ..أي مخلوق بيحب القراية لازم يشتريه بجد.بقى فيه صفحة جديدة بيحررها محمد هشام عبيه ،المحرر ببص و طل ملهاش حل ، وكفاية أقولكوا أن فيها أشرف توفيق بتاع مبسوطة يا مصر مبروك عليه بجد يستاهلها .كمان صفحة ضربة شمس بتاعة كساب من أحلى لأحلى بقى فيها اسهامات أدبية رئعة و أنصح المهتمين يبعتوا اسهاماتهم لخالد كساب.الجديد كمان صفحة عمر طاهر ،مسخرة طبعاً و أمامها صفحة جلال عامر ،مصييييييييييييييييييييبة أكتر حاجة بتبسطني في الإسبوع ..اوعوا تفوتوه بجد.

للمهتمين بالسينما بقى،عليكوا و على مجلة جود نيوز ،بشتريها بتوهم أصلاً بالمستوى الرائع في و صف الأفلام و نقدها .

مطبوعات أتابعها : ( بقلكومن باب العلم بالشئ و مبدأ المشاركة مش فذلكة و المصحف) عشا ن ميجيش حد لطيف يقولي انتي ه تعيشي ولا أيه ! :)

مجلة كلمتنا ، مجلة احنا ، الدستور الإسبوعي ، عين ، وشوشة ، اليوم السابع -يييييييع- .جود نيوز سينما .ملحق النهارة أجازة بتاع أخبار اليوم.


هناك تعليقان (2):

محمد حمدي يقول...

اول تعليق انا .. خليكى فاكره اهو

بجد شوقتينى اتابع الدستور الاسبوعى .. انا من زمان جدا مشترتش الدستور الصراحه ولا اى جورنال تانى لانى كنت زهقت من كل الهجص ده .. بس انا بثق فى اختياراتك وان شاء الله هجيب الدستور من اول الاسبوع الجاى

تحياتى ليكى

شيماء الجمال يقول...

هههههههههههه
فكرة أهه
يلا ..جيبه و قولي..

Related Posts Plugin for WordPress, Blogger...

زوار المدونة