الأحد، 5 أبريل، 2009

فضايح ..فضايح..

بعد أزمة كتاب "الخليج البريطانى" وطمعاً فى دعوة مقبلة لمعرض الكتاب بها..

اليوم السابع ينفرد بنشر اعتذار صاحب "اكتب" للسعودية

اعتذار هاشم سابقة لم تحدث فى تاريخ النشر

كتب محمد البديوى

فى رد فعل غير متوقع ولم يحدث من قبل فى تاريخ التعامل مع دور النشر، قام يحيى هاشم مدير دار اكتب للنشر بتصرف غريب، حيث قدم اعتذاراً رسمياً لكل الجهات الحكومية السعودية وغير الحكومية، بسبب ما سماه "ما صدر نتاج كتاب الخليج البريطانى".

ويأتى هذا الاعتذار من صاحب دار اكتب بعد قيام السلطات السعودية فى 12 مارس الماضى بمصادرة كتاب "الخليج البريطانى .. كيف صنعت بريطانيا دول الخليج العربى" للزميل الصحفى إيهاب عمر، بعد تحقيقه مبيعات كبيرة فى أول 4 أيام من المعرض، ومصادرتها كذلك كل كتب الدار ومنع أيمن شوقى مسئول الدار من مغادرة السعودية إلا بعد التحقيق معه، ويبرر الوسط الثقافى تصرف "هاشم" بسبب خوفه من عدم دعوته مرة أخرى لمعرض الرياض للكتاب.

ولم يكتف هاشم بذلك وإنما تبرع من تلقاء نفسه بإبلاغ هذه السلطات، أن المسئول عن فحص الكتب قبل النشر تمت إقالته، لأنه "حسب الاعتذار" لم يقدم لنا ما يوضح ما جاء فى الكتاب، وبالتالى هاشم لم يطلع عليه ولم يعرف ما جاء فيه.

تضمن اعتذار هاشم استنكاراً لما حدث قائلاً "إننى كمالك للدار أستنكر كل ما حدث ولا أقبله، وإننا نكن كل احترام وود لكل السعوديين شعباً وحكومة، ولا نقبل المساس بهم بأى صفة"، كما أعلن هاشم دعمه للسعودية فى مصادرة الكتاب قائلاَ "نعلن تأييدنا الكامل للسعودية كرمز للإسلام والمسلمين".

كملوا الخبر هنا واقروا التعليقات
نشر الرسالة
---------------------
الوسط الثقافي ماله !! هنلاقيها من أكتب ولا من ملامح :( أنا المفاهيم كلها مشوشة عندي ما بقتش عارفة مين الصح ومين الغلط

هناك 5 تعليقات:

الأسطورة يقول...
أزال المؤلف هذا التعليق.
الأسطورة يقول...

كل دار تنشر اللى هيه عايزاه
المهم اللى بيشترى
بس ما تفتكريش الناس مثقفة
لان اصلا الذوق العام ملوث
زى الشوارع تمام

فى مصر الكتب اللى بتبيع
هى كتب السخريةوالجنس
السيكو سيكو يعنى
على رأى عادل امام

JuSt_hUmAn يقول...

كنت ألقيت نظرة قبل كدا على كتابين تبع "اكتب"، والكتابين عبارة عن كلام فارغ صريح تحت مسمى الأدب!
وعموماً سمعة "اكتب" زي الزفت، وسمعة يحيى هاشم نفسها مش ظريفة برضو.
ورغم إني ما سمعتش عن كتاب "الخليج البريطاني" دا قبل كدا أصلاً، بس أقدر أتخيل فحوى الكتاب سواء كان غث أو ثمين وأسباب اعتراض السعودية باينة، وموقف يحيى هاشم مثير للاشمئزاز!
بعدين مستحيل يكون فيه حد بيقرا الكتب في "اكتب" ويقيّمها فعلاً، لأن الكتب اللي شفتها للدار دي لو أختي الصغيّرة قريتها مش هتوافق تتنشر من كتر بلاهة الكتب!
ربنا يتوب علينا من دي دور نشر!

شيماء الجمال يقول...

:) حسن

ادينا بنحاول

شيماء الجمال يقول...

بص يا عمرو عشان الواحد يقول كلمة حق

أنا معاك ان الدار في البداية كانت بتنشر حجات مش قوية قوي ..بس دلوقتي أنا أبصم بالعشرة ان في حجات محترمة جداً جداً .اقرأ:
مذكرت فتاة في الغربة
ساديزم
رجال للحب فقط
هذه هي أمريكا

لأ فيه حجات زي الفل ..حرام نعمم !!

أما ايهاب عمر فبالرغم اني ما اعرفوش شخصياً وما قرتش حتى الكتاب .الا اني كنت متابعة مدونته وكتاباته فترة ..الراجل بيكتب من وهو ف حضانة .. بيكتب من زمان قوي و مثقف جداً وما يستاهلش اي حاجة..

------------
ملحوظة صغيرة : محمد شرقاوي ممكن يتسجن عشان خاطر الشافعي ..أنا معفرفوش بس الموقف ده خلاني احطه فوق راسي !(مش محتاج تسألني ليه بقول كده دلوقتي )

Related Posts Plugin for WordPress, Blogger...

زوار المدونة