في أكتوبر عيد الفطر..وعيد الهالويين !
عيد الهالويين الأوروبي أصبح الآن على وشك الدخول في قائمة الأعياد المصرية ، فجميع المدارس الدولية و معظم مدارس اللغات تقيم له إحتفالاَ ويوماَ خاصاَ ، كما تمتلئ محلات لعب الأطفال الشهيرة بمختلف الألعاب و الأقنعة الخاصة بهذا العيد.
الهالويين أو "عيد جميع القديسين" هو يوم يُحتفل به في 31 من أكتوبر في كل عام . وفيه يرتدي الأطفال الملابس التنكرية و الاقنعة المرعبة و يطرقون الابواب طمعاً في الحلوى و يصيحون "خدعة أم معاملة؟ ?"trick or treat .و ترتبط بالهالويين أنشطة أخرى مثل حفر وجه "جاكو" على اليقطين -قرع العسل- و قراءة قصص الرعب و مشاهدة الأفلام المخيفة.
يرجع أصل هذا العيد إلى أيرلندا حيث نقله الايرلنديون إلى أمريكا الشمالية في القرن ال19 ثم انتقل لباقي الدول في أواخر القرن العشرين. وفي رواية أخرى يعود أصل هذا العيد لسوريا ، ابتكره الآراميون وسموه عيد "الحلافين" و معناها "الحلوين" و منه إشتقت كلمة "هالويين"Haloween .تحتفل دول كثيرة رسمياً بالهالويين نذكر منها :المملكة المتحدة،كندا،أيرلندا،بورتوريكو،اليابان ،نيوزلندا و جزء من أستراليا.
هناك 9 تعليقات:
شيماء الجميلة
فكرتيني بالفيلم الكارتون
Monster Hous
تحفة اكيد شفتيه
لو عديتي الاعياد اللي المصريين بيحتفلوا بيها على مدار السنة هتلاقي اننا اكتر دولة عندها اعياد
لاننا بنحتفل باعياد دينية واجتماعية وسياسية وثقافية و..الخ
وما فيش مانع اننا ندور على اي عيد غريب بيحتفلوا بيه بلاد ومجتمعات تانية ونشاركهم
بس السبب ايه؟
ياترى عشان المصري بطبعه بيحب الاحتفال ومش بيحب النكد
والا هي وسيلة للهروب من مشاكله التي لاتحصى ولاتعد ولا تحل
والا حب التقليد
والا عملية تجارية بحتة حيث ان لكل عيد مشترياته ففرصة للتجار؟
وجعت دماغك؟
على فكرة شهر اكتوبر فيه عيد الفطر و6 اكتوبر وعيد المقاومة الشعبية للسويس 24 اكتوبروعيد الهالوين اللي طلع في البخت
كل سنة واحنا طيبين ومبسوطين وهالويين
:)))
انا معجبه بالعيد دا من زمان على فكره وكنت وانا طفله بسأل ليه احنا مش بنحتفل بيه عشان اولاد خالتى فى كندا كانو بيحتفلو بيه. المهم انا مع ان الطفل يتعلم معانى الأحتفال والتجهيز ليها وطقوس الإحتفال..كل الحاجات دى بتساهم فى تكوين شخصية الطفل..وتملا حياته بالذكريات الجميلة.
لولا
وانا صغيرة كنت بحب قوي أقرا سلسلة صرخة الرعب .. كان فيه منهم قصة اسمها القناع .. كانت بتحكي عن قناع بنت اشترته في الهالووين و بقى بيسيطر عليها و يتحكم فيها
كانت ساعتها أول مرة أسمع عن العيد ده
بس تخيلي فعلا السنة دي أول سنة مدرستي حتحتفل بالهالووين !
لا يا حسام ..ما شفتوش تصور !!
--------------------
دكتورة مها :
لأ طبعاَ يا حبيبتي ما وجعتيش دماغك ..هي طبعاّ كل الاسباب اللي قلتيهامجمعة ..الكبت و التقليد و التجارة :)
هههههههههههه أنا عارفة ان كل الأعياد دي في أكتوبر ..أنا بس إخترت عنوان ليه علاقة بالموضوع ..
لولا ..
هو طبعاّ جميل و مهم جداّ أن الطفل يبقى مثقف من صغره و يتربى على فهم ثقافة الآخر..ممكن العيال تهبل و تلعب ..لكن يبقى عيد بجد لأ طبعاّ ، ده تدمير للهوية :)
مش عايزة الواد فراس يعيط يوم و يخاصمني عشا مجبتلوش ماسك الساحرة الشريرة :)
كاريمان :)
بصرة بصرة أنا كمان كنت مدمنة صرخة الرعب و ماوراء الطبيعة ،و بموت في الهالويين والسحر الاسود و الزومبي و المذؤوبين ومصاصي الدماء :) :) مع العلم إني بخاااااااف جداّ جداّ من أفلام الرعب و العفاريت و الجن !
مجنونة أنا صح ؟
بصراحة مش متصور
لازم تشوفيه
إرسال تعليق