الأربعاء، 15 أكتوبر 2008


عن حفل توقيع كتاب مصطفى فتحي في "البلد"

يوم الجمعة اللي فاتت رحت حفل توقيع كتاب "ما تيجي ننجح" ل مصطفى فتحي. اليوم كان جميل و حفل التوقيع كام منظم جداً بالرغم من اني حضرت هناك كذا حفلة توقيع مكنتش منظمة خالص.
مين جه الحفلة ؟
طبعاً في ناس كتير معرفهمش ، بس اللي أعرف أقولهم دلوقتي: المتواضع و المحترم جداًكريم الشاذلي صاحب دار أجيال، أحمد الصباغ و اللي بجد مبسوطة أوي اني اتعرفت عليه، صبري سراج المتميز، الشاعر باسم حمودة، المدون غزالي ،حنان عادل الصحفية ، محمود أمين سعودي ، اسلام زيزا أحلي واحد بيرسم على التيشرتات ،سعيد محمود كلماوي أصيل و أحمد صلاح صاحب حملة احترم نفسك.

في حفل التوقيع وضع مصطفى فكرة كتابه و انه مش كتاب زي باقي كتب التنمية البشرية اللي بتقلك لازم تعمل ولازم تسوي.الكتاب ببساطة بيتكلم عن النجاح بمنظور بسيط يمَكن أي شاب عادي من انه يفهمه.فكرة مصطفى الجاية هي كتاب شبابي في التنمية البشرية يؤلفه 10 شباب في نفس الوقت..أعتقد أن هذه الفكرة جديدة تماماً.دائماً ما يأتي مصطفى بالأفكار المتميزة.

هناك 5 تعليقات:

Ahmed Hishmat يقول...

مع إني معرفش مصطفى شخصيا
ولا في يوم قابلته وجها لوجه
لكن بجد ومن غير مجاملة
بحبه
واللي عجبني فيه جدا إصراره
وكان نفسي أحضر حفل التوقيع جدا عشان أقابله
لكن للأسف عرفت الميعاد متأخر
بجد أنا مش بكدب
حسيت إني مقصر معاه
وياريت يسامحني
.................
تحياتي ليكي

شيماء الجمال يقول...

أحمد
غريبة جداً ان ناس تحب مصطفى و هما ما يعرفهوش ..هو احلى حاجة فيه انه بسم الله ما شاء الله دايماً مبتسم و متفائل

مجلة اليومين دوول يقول...
أزال المؤلف هذا التعليق.
Ahmed Al-Sabbagh يقول...

جميل جدا يا شيماء
بجد من أجمل ما فى اليوم ده انى اتعرفت شخصيا عليكى وعلى ناس فى منتهى الروعة

تقديرى

شيماء الجمال يقول...

ميرسي يا احمد :)

Related Posts Plugin for WordPress, Blogger...

زوار المدونة