الخميس، 26 نوفمبر، 2009

مقالي الإسبوعي بجريدة عين For You


دعوة للسعادة


أكيد بتعدي علينا كلنا أوقات بنتضايق فيها قوي، وبنقعد نفكر احنا ليه متضايقين بالرغم من أن كل أسباب السعادة متوفرة، ولو قعدنا وركزنا مع نفسنا شوية هنلاقي ان فيه شوية حاجات بسيطة جداً كانت بتفرحنا وبطلنا نعملها..أنا شخصياً اكتشفت مثلاً اني بقالي كتير ما نزلتش اتمشيت في وسط البلد وعلى كورنيش النيل ودي حاجة كانت بتفرحني جداً.

السعادة كلمة كبيرة جداً، وكتير بقعد أقرأ عن معناها وازاي نبقى أكثر سعادة وبصراحة طلعت بفكرة كدة اقتنعت بيها جداً : في حاجات بتسعد كل البني آدمين زي الصحة والفلوس والنجاح والحب، لكن في حاجت معينة بتسعد كل واحد مننا لوحده، وممكن ما تكونش مصدر سعادة لأي حد تاني، اشياء قد تبدو تافهة لكنها كفيلة انها تخلي الإبتسامة تترسم على وشك: فيلم بتنبسط لما بتشوفه، أغنية بتفكرك بذكريات حلوة، أكلة لذيذة، تمشية ظريفة مع واحد صاحبك..اي شئ من هذا القبيل.

ركز وافتكر الأوقات اللي كنت فرحان فيها من قلبك وشوف كنت بتعمل ايه، أكيد عندك ذكريات في حياتك وحاجات جميلة بتفرحك واوعى تتكسف من حاجة ! لو نفسك تنزل تلعب كورة في الشارع زي زمان.. انزل، لو عايزة تركبي عجلة وتنطلقي ..انطلقي المهم تكونوا مبسوطين وراضيين عن اللي انتوا بتعملوه، طالما سعادتكم مش في انكم تعملوا حاجة غلط أو حرام أو فيها ضرر لغيركم.

واسمع عمك صلاح جاهين بيقولك ايه :

أنا اللي بالأمر المحال اغتوى

شفت القمر نطيت لفوق في الهوى

طلته ما طلتوش أنا ايه يهمني

وليه..مادام بالنشوة قلبي ارتوى

وعجبي

وتعالى نردد الجمل دي سوا بصوت عالي :

-أكتر حاجة هتخليني سعيد هو اني أكون على طبيعتي وأكون أنا.

-لما أبقى سعيد هسعد كل اللي حواليا.

-محدش هيقول عليا أناني لو فكرت أبسط نفسي شوية.

-هخلي اسعاد نفسي في المقدمة، بس ده مش معناه اني مش هسعد غيري.

-لو كنت فاكر ان في حد مهتم أنه يسعدني أكتر من نفسي أبقى غلطان..انا أكتر واحد أعرف اللي اللي بيفرحني

ودي دعوة مني للسعادة

هناك 12 تعليقًا:

فتاه من الصعيد يقول...

كل سنه وانتي وكل الاسره بخير

دعوه حلوه

تحياتي

JuSt_hUmAn يقول...

كل سنة وأنتِ طيّبة يا شيماء

حياة يقول...

عيد مبارك وعساك من عواده

تحياتى

حياة يقول...

عيد مبارك وعساك من عواده

تحياتى

حياة يقول...

عيد مبارك وعساك من عواده

تحياتى

حياة يقول...

عيد مبارك وعساك من عواده

تحياتى

حياة يقول...

عيد مبارك وعساك من عواده

تحياتى

Hager Za3bal يقول...

وانا بدعو معاكي للسعاده ..
ومعاكي في كل كلمه قلتيها يا شيماء ..

فعلا احنا اللي بنشوف الدنيا بنضارتنا احنا .. واحنا اللي في ايدينا نبقي مبسوطين اوي ونسعد نفسنا ..

تفاصيل بسيطه بالنسبه للناس .. كبيييره اوي بالنسبه لينا بتبسطنا وبتفرحنا اوي .. لازم ندور عليها وندور عالسعاده ونتعلم ازاي نعيشها صح :)


عاجباني اوي مقالاتك في عين يا شيماء
ربنا يوفقك يااارب

وكل سنه وانتي بخير :)

هاجر زعبل

شيماء الجمال يقول...

فتاة
وانت طيبة يا جميلة

شيماء الجمال يقول...

عمرو
وانت طيب

لو سمحت ارجع اكتب تاني

كنت فارق معايا جدا وكنت ملهمي في حجات كتير

شيماء الجمال يقول...

حياة وانت طيبة

شيماء الجمال يقول...

هاجر

كل سنة وانت طيبة يا جميلة:)

وشكراً على تشجيعك

Related Posts Plugin for WordPress, Blogger...

زوار المدونة