الأربعاء، 1 سبتمبر، 2010

شوية كلام


وحشني التدوين جداً، وعشان كدة قررت أني لازم أرجع أدون تاني ولو حتى سطور قليلة كل يوم..لأني اكتشفت اني ابتديت أفقد حاجة مهمة جداً ألا وهي القدرة على التعبير عن نفسي عن طريق الكتابة، مكنتش كدة زمان كنت كل يوم أدخل وأكتب كل اللي كنت عايزة أقوله.
اختلاف شنيع بين شيماء اللي قاعدة بتكتب دلوقتي وشيماء التتي كانت بتدخل هنا..زمان كنت بكتب اللي عايزة أقوله وبس، النهارده مقال بيجبلي الكلام..واحد زميلي لسة قايلي "وأنا أعمل ايه يعني باللي انت كاتباه" ومديري في الجورنال بيقولي بلاش مقالات شخصية..
مش عارفة، بقيت أعمل حساب القارئ والكلام لدرجة خلتني أبطل اكتب!
منا عمالة أكتب أهه والكيبورد مش بتقف، يمكن يكون الكلام اللي بكتبه دلوقتي مش مهم لناس لكن طالما أنا قاعدة بكتبه يبقى اكيد مهم بالنسبالي ولا إيه؟

عايزة اتعلم حرفية الكتابة، مقالات بتناقش قضايا وبتاع ومش عارفة.
مش لأني ما عنديش آراء، بس لأن كل حاجة لازم تبقى منسقة ومنمقة. فاليسقط تزويق الكلام، أنا هنا في المدونة وخلصت المساحة أهه اللي بكتبها في مقالي.
يمكن بأي كلام..لكن أنا اشبعت رغبتي في الكتابة
وبس

عشان كدة بنكتب
عشان نعيش

ليست هناك تعليقات:

Related Posts Plugin for WordPress, Blogger...

زوار المدونة