الثلاثاء، 7 سبتمبر، 2010

شعاع النور


بيجي عليا أوقات كدة بحس أن جوايا مليون إحساس عايز يطلع، لكن مش بطلع حاجة بتصيبني حالة من الوجوم وبقعد أقلب في موبايلي على حد أتكلم معاه ينقذني من الشعور القاتل بالوحدة ده ومش بلاقي..وبفرح بعدها بشوية إني ما لاقتش حد، لأن غالباً ساعتها هو الوقت الوحيد اللي بقابل نفسي وبقعد معاها. ببقى نفسي امسكها وأقعد اضرب فيها لحد ما أقضي عليها أصلها مضايقاني قوي.. عشان مش راضية تقولي هي عايزة إيه:(

مشكلتها انها عايزاني أديها كل حاجة وأنا مملكش ده، مقدرش أديها الجواز والحب والصداقة والحرية والأمان.. ما أعرفش.، هي بتطلبه ده كتير عليا.

كتبت سطر دلوقتي ومسحته، عشان أنا جبانة، خفت لما أكتبه الناس تفتكر أني مش عايشة في قمة السعادة..وهو ده اللي أنا علطول بعمله..بقضي يومي في دوامة..إستحالة أي كائن حي يحس فيها باي حاجة، لأنها بتعصره لدرجه أنها بتلغي كل . لكن للأسف بتيجي شوية ساعات بليل والناس نايمة بفوق فيها. بحس فيها زي ما أنا حاسة دلوقتي قبضة في قلبي ورغبة عااااااارمة في البكاء والعويل والنحيب بدون أي سبب.

أول ما بحس الإحساس ده بعرف إني كنت بعيدة عنه وقصرت في حقه وبحس إنه بيناديني وبيقولي تعاليلي وأنا هريحك من كل الحزن اللي انت حساه..ساعتها بجد ببقى نفسي أروحله وببقة خايفة أوي ما يرضاش ياخدني عنده..

سامحني.. سامحني إني بعدت عنك



Nature boy

There was a boy
A very strange enchanted boy
They say he wandered very far, very far
Over land and sea
A little shy
And sad of eye
But very wise
Was he

And then one day
A magic day he passed my way
And while we spoke of many things, fools and kings
This he said to me
"The greatest thing
You'll ever learn
Is just to love
And be loved
In return"

"The greatest thing
You'll ever learn
Is just to love
And be loved
In return"

هناك تعليقان (2):

حد بيحاول يتكلم يقول...

السلام عليكم
تعرفي يا شيماء انا متابعة المدونة بتاعتك من زمان بس عمري ما كتبت تعليق عندك على حاجة لكن التدوينة دي بجد حستها اوي عشان انا بحس نفس الاحساس ده من احساس بالوحدة ساعات ومن الاحساس باني عايزة كل حاجة وده طبعا عمره ما بيحصل واحساس بعدم الرضا جوانا مش عارفين ايه مصدره ولا حتى عارفين نمحي الاحساس ده جوانا ونتجاهله وكانه مش موجود لانه كل شوية بيطلع وبيفكرنا انه موجود. انا بصراحة مش عارفة المفروض نعمل ايه لكن اللي عارفاه اني دايما بدعي ربنا يخرجنا من الحيرة دي .

هبه

شيماء الجمال يقول...

شكراً انك بعتدي وبتقري
وشكراً على تعليقك

يارب اهدينا وارحمنا

Related Posts Plugin for WordPress, Blogger...

زوار المدونة