بقالي كام يوم بسمع أغنية المولد بتاعة أحمد ومحمد عدوية، مش عارفة إيه السر في أنها بنبقى حلوة قوي واحنا ماشيين بالعربية باليل بحس أنها بتلمسني وبتوصلني لحالة روحانية رائعة وبقعد أدندن معاها كدة بإستمتاع، بزهق شوية من الموال اللي في الأول بس بحب الدخلة جداً وما يليها. الأغنية نجحت في أنها تاخدني معاها للمولد بجد اللي بحبه جداً وعمري ما حضرته في حياته على الرغم من أني بقرأ عنه دائماً. وبتلمسني قوي الكلمات خصوصاً المولد مليان أحوال والزحمة براح- اشي بسبح رب اللق وسط الخلق.
ما عندناش أغاني كتير بتتكلم عن المولد .. صح؟؟
فى المولد مراجيح وعيال ووشوش دراويش
عمالة تبوح بكلام مسموح وكلام مكتوب
فى قلوب الناس ممنوع يتقااااااال
المولد مليان احوال والزحمة براح
والليل بيفوت وانا من عشقي لحكمة ربك فى الملكوت
ماشى بسبح رب الخلق وسط الخلق
لو عجبتك الأغنية دي اسمع مقطوعة مولد سيدي اللاتيني لفريق إفتكاسات
هناك تعليق واحد:
كنت خارج الدنيا، ولما رجعت مريت من هنا صدفة فاعجبتني هذه المدونة خصوصاً الاغنية رغم اني ما كنتش سمعتها لكن كلمة المولد والرايات الخضرا والبيارق وزفة الخليفة بترجعني لاجمل سنوات العمر. غير ان احمد عدوية صوت شعبي أصيل احييكِ على اختيارك وعلى المدونة كلها
تحياتي
إرسال تعليق