خمس خمسات

5 حاجات بكرههم في حياتي:
غسيل المواعين، تطبيق الملابس، الشغل اليومي، السواقة، الريجيم.

5 حاجات زهقت منهم:
مدحت شلبي، صوت التلفزيون العالي، ديكور بيتي، التيلفون، تنظيف البيت.

5 حاجات نفسي أعملهم:
أسافر الهند، أتعلم فرنساوي، أعرف أقرأ وأكتب بالإنجليزي وأحس اللي بقراه وبكتبه زي العربي كده، آكل أكل صحي وأمارس الرياضة بإنتظام، أتعلم فوتوشوب.

5 حاجات بحب أعملهم:
أقرأ، أسمع مزيكا، آكل، أروح سيتي ستارز، أكتب.

5 حاجات محبتهمش في الثورة:
التخوين، الشتايم البذيئة على الفيس بوك، قوائم العار، إبراهيم عيسى، البلطجية.