عمكو "حظاظة" !
"حظاظة حظاظة...حظاظة حظاظة" ، بجد بجد إعلان سخيف و مسابقة أسخف ..حاجة قمة الهبل!!
حظاظة دي ياخوانا مسابقة عبيطة كدة ، وقال أيه هدفها نشر المعرفة ،سيادتك تروح تشتري كارت حظاظة من المحلات و تقرا المعلومة و تحل المسابقة وتخربش و تكسب!! اللي فاقعني ان الناس دول -ونفسي أعرف هما مين- نازلين بتقلهم ،اعلانات بالهبل في المجلات و الجرائد و القنوات التلفزيونية ، "هذا الفيلم بعاية حظاظة" مين حظاظة ده اللي هيبقى راعي رسمي ف قنوات ميلودي افلام؟!! لأ و أيه ،الطريق الدايري كله مترشق إعلانات حظاظة .. هما الناس دول بيعملوا كده ليه؟ هيكسبوا كام ؟؟ والله شكلها كده غسيل أموال ! الكائن الهلامي الأصفر اللي مختارينه كلوجو للمسابقة شكلو خنيق ،و مستفز،مجرد رؤية الإعلان و سماع الأغنية و رؤية هذا الكائن كفيلة أنها تستفزني طول النهار...
الله المستعان
هناك 19 تعليقًا:
انا متهيالى اللوجو دة ضفدعة.. مش كدة؟؟
حظتظة.. انا اول مرة اسمع الاعلان دة.. انا اصلا نادر لما باشوف التلفزيزن بس حتى مش باشوف اعلاناتة فى الشوارع..
انتى متاكدة من الاسم؟؟
عموما المثل بيقول اية.. كلة عند العر صابوووون
متأكدةةةةةةةةةةة
إسمه حظاظة، هو ممكن يكون ضفدعة، بس هو فيه ضفدعة صفرا ؟؟
يا ستى البلد دى فيها العجايب مش احنا اللى دهنا الهوا دوكو وبرضة احنااللى خرمنا التعريفة.
هههههههههه
هههههههههههه
كل سنة و أنتي طيبة يا شيماء ربنل يعود عليكي الأيام بخير
موضوع لئيئ أوي فكرني بئكريات الطفولة
لكل آحبائي المدونين أدعوكم لزيارتي للتعرف علي تفاصيل أفطار جماعي
عاليا ..أهلاً بيكي ..أنا مش هعرف آجي الإفطار بس أنا عارفه انه هيكون جامد .في ساقية الصاوي معاكي و مع أحمد الصباغ و مع خالد الصاوي :)
البلوج بيخرف
صح اعلان متخلف
مع انى بتفرج قليل اصلا
بس خنقنى صح
كل سنه و انتى طيبه
سلامات :)
أنا شفت إعلان حظاظة دا مرتين تلاتة لكن عمري ما فهمت هوّ بيعلن عن ايه!
..
دي أغاني رُبى صقر
http://www.4shared.com/file/61510236/9d851add/__online.html?dirPwdVerified=58befbed
ودي أغاني يحيى غنام
http://www.4shared.com/file/61514373/723d636/__online.html?dirPwdVerified=58befbed
وآسف جداً للتأخير بس لسّه ما عنديش نت والله:(
اذا كنا رضينا ب 0900 واسئلة كام صابع في الايد الواحدة
يبقي مالناش غير حظاظة حظاظة حظاظة
ماجنوليا ,,,ازيك؟ فعلاً إعلان يتعب الأعصاب.
------------------------
عمرو النحراوي ..والله ليك وحشة .ربنا ينتع نتك بالسلامة يااااااارب..و شكرأ انك لسة فاكر الأغاني :)
-----------------------------
شملولي ابن سحلولي :
مشى عارفة ليه بضحك أوي كل أما بقرأ الإسم ده :) هو انت اسمك أيه ؟؟
معرفش والله مشفتش حظاظة ده
عموما خير ربنا يتتقبل صيامك
ورمضان كريم
هههههههههههههههههههههههههههههههههههه
انا فامكرة الاغنية دي فعلا مستفزة..بس أنا الحمد لله مش متابعة جيدة للتليفزيون يعني سمعتها بالصدفة وفعلا مستفزة..بس معرفش انها منتشرة قوي كدة :))
كل سنة وانت طيبة
تحياتي :)
هو فعلا الاعلانات دى حاجة تخنق جدااااااااااااااااا بس هنعمل ايه
عاااااااااااااااااااااادى
ما هى بقت صلصه:))
جت على حظاظه دا يعنى؟؟؟
استني هاتي كلينكس علشان اعيط خلاص مفيش كلينكس طيب هاتي منديل ورق
مفيش برضه
لو كنت عايزة تعرفي اسمي كنت روحتي مدونتي وانتي عرفتيه استني بقي كده علشان هاعيط تاني لا لا لا اعيط ايه هو فيه شملولي قد الدنيا يعيط
خلاص يمكن انتي مش معاكي حق تذاكر الطيران خصوصا ان الرحلات مش آمنة اليومين دول وفيه اخبار اكيدة عن تصفيتك فخلاص خلاص مش مهم تسافري لحد عندي علشان تعرفي اسمي
انا هاقوله ليكي وخلاص بس ما تنسيش اناقد ايه كنت كريم ونبيل وشريف لا يا ست البنات مش اسمي في دول بفي فيه شملولي في الدنياهيبقي اسمه كريم ولا شريف
بس انا نفسي علي طول تضحكي سواء شفتي اسم شملولي ولا ما دخلتيش علي النت من اصله هو فيه اجمل في الدنيا من ضحكتك علشان الدنيا كلها تضحك
ببساطة انا اسمي حسام
استني هاتي كلينكس علشان اعيط خلاص مفيش كلينكس طيب هاتي منديل ورق
مفيش برضه
لو كنت عايزة تعرفي اسمي كنت روحتي مدونتي وانتي عرفتيه استني بقي كده علشان هاعيط تاني لا لا لا اعيط ايه هو فيه شملولي قد الدنيا يعيط
خلاص يمكن انتي مش معاكي حق تذاكر الطيران خصوصا ان الرحلات مش آمنة اليومين دول وفيه اخبار اكيدة عن تصفيتك فخلاص خلاص مش مهم تسافري لحد عندي علشان تعرفي اسمي
انا هاقوله ليكي وخلاص بس ما تنسيش اناقد ايه كنت كريم ونبيل وشريف لا يا ست البنات مش اسمي في دول بفي فيه شملولي في الدنياهيبقي اسمه كريم ولا شريف
بس انا نفسي علي طول تضحكي سواء شفتي اسم شملولي ولا ما دخلتيش علي النت من اصله هو فيه اجمل في الدنيا من ضحكتك علشان الدنيا كلها تضحك
ببساطة انا اسمي حسام
كاتب مصري ..يارب الله أكرم
-------------------------------
رانون ، انا كمان والله مليش في التلفزيزن خالص انا سمعت الإعلان بطريقة عابرة.
_________________________
بوس بوس ، عمرو فاروق ..منورين
إرسال تعليق