الثلاثاء، 23 سبتمبر 2008


بسنت و دياسطي

"بسنت و دياسطي" ضيوف زارونا هذه السنة في رمضان و نتمنى أن يزورونا كل عام، خصوصاً بعد سفر بكار للصين و إشتياقنا لوجود هذا النوع المصراوي الأصيل من الأعمال الخفيفة وقت الإفطار.

هو أول مسلسل جرافيكس في مصر للكبار و الصغار بطولة صلاح عبد الله (دياسطي)، و حنان ترك ( بسنت) ، و سامح حسين (رفاعي)، أما عن فريق عمل المسلسل فهو نفس فريق عمل "كراكيب" الذي عرض في السنة الماضية ،تأليف أحمد سيد أمين، و إخراج سامح مصطفى وعند ذكر فريق العمل فلا يجب نسيان الفنان عصام كاريكا الذي جعل من تتر المسلسل أغنية خفيفة الدم تعلق بذهن المستمع من أول مرة. سبب آخر من أسباب نجاح المسلسل هو مستوى الجرافيكس المتقدم و إجادة الفنانين للهجة الصعيدية حتى أنهم إستعانوا بخبير للهجة الصعيدية.

المسلسل يشعرك انه من قلب مصر ، وخصوصاً بعد أن دخلت التكنولوجيا في حياتنا بشكل كبير ، فنجد دياسطي يستخدم "ألإيميل" و "الويب كام " و يتمنى أن يعامله زبائنه في "الدكان"بالفيزا كارد !!

هناك 22 تعليقًا:

AHMED SAMIR يقول...

للاسف ماتابعتوش
بس عحاول احمله من ع النت
تحياتي

شيماء الجمال يقول...

هههههههههه
ازيك.. المسلسل ده دمه خفيف انا بحبه جدا

غير معرف يقول...

انا بشوفه و عاجبنى جداااااااااااااااااااااااااا


تحفه بجد

غير معرف يقول...

السلام عليكم شيماء

كويس انى عرفت اسم البديل بتاع بكار بس صراحة انا مابقدرش اتابع التليفزيون فى رمضان بس طالما قولتوا عليه دمه خفيف يبقى لازم بقى نجيب السى دى بتاعته ونشوف ونستمتع

دمتى لنا بخير ويلا سلام

شيماء الجمال يقول...

ماجنوليا :
أهلاً بيكي ..الصراحة هو الواحد كان نفسه من زمان تتعمل في مصر أفلام كارتون عدلة بتخاطب مشاهد لسة محتفظ بكامل قواه العقلية..

شيماء الجمال يقول...

جمعاوي :
انا كمان مش بتفرج على التليفزيون خااااااالص في رمضان ..نادراّ تحياتي

عطشان يقول...

شوفت حلقة منه من كام يوم و حنان ترك جميلة اوى فيه و انا بحبها جداً

صحيح...حفلة روبا مع إفتكاسات كانت حلوة ؟

محمد حمدي يقول...

المسلسل ده فعلا ناس كتير بتتكلم عنه وواضح انه كويس .. انا شخصيا من زمان بحلم بمسلسل كارتون يكلم الطفل عن سلوكيات كويسه والتكنولوجيا المتطوره من حواليه .. زهقت من قصص بكار الى كلها بتدور عن حراميه الاثار والجواسيس وسكان الفضاء .. الخ

سيبك إنتى ... اسلوبك رائع وخفيف ويخش القلب بسرعة الطلقه

تحياتى

Sweet Violet يقول...

انا فى رمضان مبتفرجش الصراحه على التليفزيون ولا بعد رمضان حتى

بس هحاول ادور على الحلقات واشوفها على النت

من الواضح من كلامك انه حلو

كلام حسام يقول...

لذيذ عرضك للمسلسل كعادة في عرضك في اي حاجة
للاسف النت مش مخليني اشوف التلفزيون خالص

شيماء الجمال يقول...

عطشان ..فعلاً حنان ترك بقت جميلة اوي :)
عملت بوست كدة ع الحفلة ، كانت راقية جداّ ,,كان نفسي اتصور مع ربى ورا الكواليس بس معرفتش

شيماء الجمال يقول...

محمد حمدي ..انا شايفة ان بسنت ودياسطي الذ من بكار بكتيييير..رغم ان بكار برده مسلسل محترم و فيه فن و بيعلم سلوكيات

شيماء الجمال يقول...

ضد التيار :)
منور

شيماء الجمال يقول...

حسام ..ربنا يخليك :)
و انا كمان والله

غير معرف يقول...

هااااي شيمااء
بجد انتي جميله خاااالص
وبلوووجك سكررررررره .. مع ان معظم اللي بتكتبي عنه انا مابفهمش فيه خالص .. بس ادينا بنتعلم .. وعلى فكره انا بحب التصوير زيك :) .. بس اخري كاميرة الموبيل :D مش إحتراف يعني .. علطول ماسكه الموبيل وبصور اي حاجه وكل حاجه .. واصحابي بقى يستلموني تريقه هههههه .. بيحسسنوني إني مجنونه ...
مممم بالنسبه للبوست ده .. بجد قلّبتي عليا المواجع .. بكار حبيبي وحشنيييي موووت:( ..ولّا اغنية منير وحشتني اكتر :( وكل رمضان اقعد اقلب عليه قنوات الدنيا على امل اني الاقيه بس للأسف خطفوووووووه اللي خطفوا "بوجي وطمطم":( حسبي الله ونعم الوكيل
المهم اني انبسطت لما عرفت انو في بديل لبكار .. بس مش كنتي تقولي من زمان يا شيخه ده رمضان خلاص خلص تقريبا ... بس يلا مش مشكله ملحوقه .. هو بيجي على قناة ايه بقى وامتى علشان اشوفه في الكام يوم االباقيين دول؟

شيماء الجمال يقول...

أمنية ..منورة البلوج والله :)
ايه اللي ما بتفهميهوش في البلوج ؟
باسنت و دياسطي بييجي قبل الفطار على قناه النيل الجديدة دي ..اسمها لايف بان ؟

غير معرف يقول...

مش موضوع مابفهمهوش .. اقصد مليش فيه يعني مثلا انواع الفنون الكتير اللي بتتكلمي عنها كنت اول مره اعرفها منك
يعني اللي اقصده اني مابفهمش فيها قوي :(
وزي ماقلتلك ادينا بتعلم ^_~
Go0o On :)

فتوح أبو المفاتيح يقول...

هه
حاجة حلوة
حلوة خااالص
والاحلى حنان ترك
بس كويس انك متابعة الكارتون دا
بس برضه لو قارنا مستواه بالاجنبي هنلاقي حاجة تانية
بس لأنه مصري
وانا مصري
يبقا احلى واروع حاجة وعلى قلبنا زي العسل
خير
محدش عارف الخير فين

شيماء الجمال يقول...

أمنية ..مكنتش أقصد والله يا جميل :) اهلاً بيكي بحد انا مبسوطة قوي انك بتيجي هنا

شيماء الجمال يقول...

فتوح ..طبعاً لا يقارن بالأجنبي ..بس حلو و فيه روح مصرية حلوة و خالي من العنف و ده أهم حاجة :)

تحياتي

Lola يقول...

انا مشفتش المسلسل دا ولو كنت اعرف عنه قبل كده كنت اكيد ححاول اشوفه..ياااااااااااااه يا رتنى بجد عرفت حاجه عنه.ادى ضريبه العيشه بره البلد الواحد مبيعرفش حاجه. انا كنت الأول بحب بكار اوى.

شيماء الجمال يقول...

لولا أكيد هيتعرض الفوميت مرة و هبقى أقلك يا جميل :)

Related Posts Plugin for WordPress, Blogger...

زوار المدونة