دوودلي أنا !
فن الدوودلز (doodles) لما تمسك ورقة و ترسم عليها رسم عشوائي بدون تفكير فتطلع حاجة بتعبر عنك انت بالظبط..حتى ان الخبراء بيحللوا منها الشخصية . حد فيكوا يقدر يحلل الدودل ده ؟ اجتهاد يعني ..بس بجد يركز في الدوودلز و ينسى أي حاجة عرفها عنى !!
فن الدوودلز (doodles) لما تمسك ورقة و ترسم عليها رسم عشوائي بدون تفكير فتطلع حاجة بتعبر عنك انت بالظبط..حتى ان الخبراء بيحللوا منها الشخصية . حد فيكوا يقدر يحلل الدودل ده ؟ اجتهاد يعني ..بس بجد يركز في الدوودلز و ينسى أي حاجة عرفها عنى !!
مجنونة أنا مش كدة :)
هناك 16 تعليقًا:
والله أنا دماغي ساحت من التفكير والتركيز
بس ااقدر ااقسم الصورة لكذا جزء
الجزء إلي فوق عبارة عن ورد ونباتات
وفي النص علي الشمال دائرة كهربائية
وتحت زي النوته الموسيقية
وخدي بالك أنا مجنون يعني متستغربيش من تفسيري
تقبلي جنوني
مجنووون
ههههههههههههههههههه
جميلة قوي اللعبة دي ..هلعبها معاكم كتير :)
و الله يا شيماء مليش فى الدودله خالص مما يترتب عليه انى مش فاهمه اى حاجه من الصوره (:
بس الفكره حلوه أوى ... تصدقى هروح أجرب هههههههههههههه
بس أكيد لو حد حللها صح هيقول شخصيه عسوله خصوصا بكل الألوان اللى استعملتيها دى (:
سلامااااااتى
افسحوا الطريق للمحللة العظيمة كريمان زمزم
(ما تصدقوش أنا أول مرة أحلل حاجة كدا)
احم احم
بعد التدقيق و التمحيص و التركيز و البحلقة
توصلت للآتي
الخطوط اللي شبه حرف الزد أو زي الشخبطة تدل على التردد يعني ممكن تكوني مترددة في اتخاذ قرارتك
النقط الكتير بتمثل لي أهداف بتسغي لتحقيقها و النقط دايما محاطة بدايرة أو بخطوط دا دليل إنها مبنية على أساس و مصونة من العبث
أما المتاهة اللي عالشمال يمكن تكوني تايهة بتحولي توصلي لشيء معين
الحلزونات رمز الأحلام
و القلوب عاطفتك
أما بقا اللونين الأسود و الأحمر بيفكروني بقصة فرنسية بكرهها إسمها le rouge et le noir
يعني الأحمر و الأسود ... بس لازم أقول بتركز لإيه بعد الشر عليكي ;-)
يعني من الآخر مترددة .. عندك أهداف بتحولي تحققيها .. ممكن تتوهي لحد ماتوصلي للي عايزاه .. عاطفتك قوية .. حالمة
هاا أنفع وللا إيه ؟؟؟؟ ;-)
امممم
انت بتحبي السمك اوي
لأنك راسمة مجموعة منه فوق
بس شكلك مش بتحبي الجمبري
بتهمك الشهرة خااالص
عشان كدا عندك نجوم كتييير
الحب حاجة في الأخر
أو بتخبيه وتخافي عليه
لأنك راسماه في الآخر
شكل فيه مشكله في السباكة في البيت عندكم لأنك راسمة شوية مواسير و حاجات من دي على الشمال
نفسك تنامي اوي
لنك راسمة سرير فوق على ايديك اليمين
بس خير
حاجة حلوة
محدش عارف الخير فين
سلااااام
دعاء ..جربي و اعزميني ..أكيد هخش عندك :)
كريمان ..كله تمام بس انا مش مترددة خالص :)
فتوح :)
كلة تمام ..بس أنا بموت في الجمبري و معنديش مشاكل سباكة الحمد لله :)
مجنون :)
هكذا الدوودل ، كل واحد بيشوفه بدماغه
عارفه يا شيماء انا ديما بحب اشخبط فعلا..ارسم ورد قلوب شط مراكب نجوم ..بس حقيقى مكنتش اعرف ان دا اسمه دودل وبيتحلل كمان..وبالنسبة للدودل بتاعك جذبنى فيه انه جذاب..مش عارفه اوصفلك بس مترتب فيه فن وذوق وتناسق.
ميرسي انك عرفتنى على حكايه الدودل دى.
لولا
:)
لولا ربنا يخليكي ، ورينا الدوودل بتاعك انت بقى
1ـ انت انسانة عينك وسط راسك
( ايه اللي أنا بقوله ده ، ما طبعا ، ده أكيد يابني )... هههه
لأ قصدي يعني من العيون الكتيرة المرسومة دي بتدل على انك عندك اهتمامات كتير ولازم تتابعيها كلها عشان كده نفسك يبقى عندك عيون كتيرة
.......................
2ـ قلبك كبير
لدرجة انك ممكن توزعي حبك على الناس زي ما انت موزعة قلوب صغيرة على الصفحة ، وكمان بتتمني حب الأخرين ليكي
......................
3ـ في 3 أشخاص أو أربعة مهمين في حياتك قوي ومتقدريش تستغني عنهموممكن يكونوا خمسة ...الله أعلم
بس هما مش أكتر من كده
....................
4ـ أنت منتجة
يعني عندك ابداع غير عادي
....................
5ـ تحتاجي أن تشعري لبعض الدفء
( أقصد دفء المشاعر والاحاسيس )
:)
أحمد ..عجبني تحليلك جداّ جداّ
والله انا لما قعدت فترة مركزة وببص قوي
وبدأت اطلع بنتايج
حسيت نفسي اني بقرأ الفنجال
:))
وبما اني من عشاق هذا النوع من الامتحانات مثل امتحان الحبر لروشاخ
انا هسكت احسن عشان مش افسد الصورة اللي في خيالنا عن العلم الجميل ده
:)
او تقدري تقولي انه قلق على مستقبل الاخوة الاطباء لو انا زاحمتهم
هيقعدوا في بيوتهم يا اختي
:)
بصى انا الصراحه متشرفتش لسه بمعرفتك خالص بس من الدوودلز بتاع حاساكى منظمه اوى .ممكن بشكل يعقد
إرسال تعليق