الجمعة، 26 سبتمبر 2008


تاج عن الأحلام و الأشخاص المميزين
التاج الجامد ده وصلني من كام يوم من كريمان زمزم صاحبة مدونة "قطرات من شاطئ الحياه" و بالمناسبة كريمان طلعت فنانة كبيرة وده اللي مكنتش أعرفه .. نخش على التاج :

اذكر5 أحلام تخص ماضيك:

أن أعيش قصة حب عنيفة و أن أتزوج من أحب ، أن أشتغل مرشدة سياحية ، أن أكون مطربة و عازفة جيتار ، أن أكون غنية ، أن أتعلم اللغة الأسبانية.

اذكر 5 أحلام تخص مستقبلك :

أن أتقرب أكثر من الله و أكثر من أعمال الخير ،أن أكون صحفية و كاتبة مشهورة ، أن يكون لي دور في خدمة مجتمعي ، أن أصبح سيدة أعمال ناجحة، أن أربي أولادي تربية صالحة ، أن أنمي و أستغل كل مهاراتي، أن أتمتع بكل لحظي في حياتي حتى اموت و الا يعوقني الكبر عن الإستمتاع بالحياة :)

مين أتعرفت عليه في المدونة و نفسك تتعرف عليه في الحقيقة ؟

و الله بجد بجد مش بكرر وخلاص ..كريمان زمزم .

أذكر شخصين على الأقل متواجدين في حياتك حاليا .. كنت تود وجودهم قبل الآن بزمن؟ بلاش السؤال ده دلوقتي :)


أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟ كارمن كارمن صديقتي ، جدتي والدة أبي.


لمن تهدي هذا التاج ؟؟ محمد حمدي صاحب مدونة دماغي، ابن عمتي العزيز أحمد صاحب مدونة بحر الهوا، لولا صاحبة مدونة أكثر من نفسي ، حسام صاحب مدونة شملولي. و برده زي كريمان لأول خمس تعليقات :)!






هناك 20 تعليقًا:

blue-wave يقول...

بجد تاج رائع
واجابات اكثر من رائعه
وخصوصا التقرب من الله
وتعلم اللغه الأسبانيه:))
تحياتى

شيماء الجمال يقول...

عمرو..ازيك عامل ايه ربنا يخليك

شيماء الجمال يقول...

انت كده ادبست ف تاج يا عمرو ;)

كلام حسام يقول...

شيماء الجميلة
مش هاقولك اجابات رائعة وشخصية جميلة وروح اجمل وكل الكلام اللي بقي مكرر ده انطباعي عنك من زمان من قبل ما اشوف توبيك التاج ومحتفظ بيه لنفسي
بكل الأحترام المستحق ليكي اسمحي لي ان اعتذر لك كاميرة في بلاطك الملكي عن التاج لان زي ما انتي شايفة مدونتي مش شخصية ومش حابب اتكلم فيها عن نفسي او عن علاقتي بالتدوين
حقيقي اهدائك لي للتاج خلاني احس بسعادة غامرة يصعب وصفها سعادة مفتقدها من زمن بعيد كاد يقارب الازمان الغابرة

شيماء الجمال يقول...

:)
حسام..يمكن عدم كلامك عن نفسك خالص في البلوج هول اللي خلاني أتشجع وأهديلك التاج :) بس تمام مفيش مشاكل ..لازم نحترم رأيك و كفاية علينا أشعارك الرائعة

Lola يقول...

شيماء
اتشرفت حقيقى بالتعرف على شخصيتك من اجاباتك الشفافة والمليانه صدق واحساس.
ربنا يسعدك وعيد سعيد عليك.
لولا

Lola يقول...

على فكرة يا شوشو..
موضوع انى اجاوب على التاج دا اكيد طبعا شرف ليا انك تختارينى ..بس مش حقدر اجاوب بسرعة..اتمنى متزعليش منى .
اول مالحلاقى وقت اوعدك حجاوب.

كلام حسام يقول...

شيماء الجميلة
شايفك مهتمة كتير بالادب وابداع الناس اللي حواليكي
وده شجعني اني ادعيكي للجروب مساجلات شعرية علي الفيس بوك
http://ayamwayam.blogspot.com/

شيماء الجمال يقول...

حسام :)

شكرأ جداّ و أكيد هنضم للجروب ان شاء الله :)

elsha3er يقول...

السلام عليكم بجد اجاباتك جميلة وربنا يحققلك كل اللى فى نفسك

احمد الشاعر

كلام حسام يقول...

شيماء الجميلة
اسف بدل ما انسخ رابط الجروب نسخت رابط مدونتك

http://www.new.facebook.com/group.php?gid=27340798257

Lola يقول...

شيماء
عندما دخلت مدونتك اول مره كنت على عجله فلم اطلع عليها كما تستحق.
وعليه فقد آثرت العودة فى لحظات اكثر هدوء بالنسبة لى والتعرف على مدونتك كما تستحق وعليك ايضا كانسانه تستحق حقا الوقوف عند كل محطة كتبتها.
لقد مررت باكثر ما كتبته سابقا وتركت تعليقاتى هناك وسعدت فى بعض المحطات باشياء وجدتها كانت بالنسبة لى كهدايا العيد المفرحه.
شيماء لقد رحلت من هنا فى المره الأولى وانا حقا متعجبه من ان تختارينى لتهدينى التاج رغم عدم معرفتنا مسبقا..لا اعرف ماذا اقول.لقد احرجتنى فعلا. وكسبت حقا معرفتى بانسانه مثلك. ارجو ان تقبلى صداقتى ومرورك الدائم من مدونتك..احببت حقا روحك الطاغيه على المدونه وبساطتها.
لولا

شيماء الجمال يقول...

أحمد الشاعر ربنا يخليك :)

شيماء الجمال يقول...

حسام :) هههههه
منا خدت بالي ..بس كنت هعمل search
شكراً على إهتمامك يا سيدي

شيماء الجمال يقول...

لولا لولا :
تعرفت على مدونتك من عند حسام يمكن من حوال 3 أسابيع كده،وبدخل اقرا فيها كل شوية بس مكنتش بسيب تعليق :)
انا كمان عجبتني روحك المحلقة في مدونتك و لأني لم أعرفك كما يجب فقد فضلت أن أرسل لك التاج عشان نتعرف أكتر :)
ان شاء الله هقلب في أرشيفك كله

Ahmed Hishmat يقول...

أكتر حاجة بتعجبني فيكي
بعد إذنك طبعا..
إنك جديدة كل يوم
أنا بحس كده
جواكي روح بسبعة أرواح
بعدد ايام الأسبوع
.............
تحياتي وحبي وتقديري

Lola يقول...

شيماء انا عايشه فى السعوديه وزعلت لما عرفت انى مش حلاقى الروايات.
عموما ححاول اشوف انا فى جده ويمكن ربنا يسهل.
لولا

شيماء الجمال يقول...

:)
شكراَ يا أحمد
---------------------------
لولا :(
انا آسفة ..بس معتقدش هتلاقيهم فجدة ..خلي حد يبعتهملك من مصر !

مجلة الأم الصغيرة يقول...

شيكو شيكو شيكو
ميرسي على حل التاج
أحلام رائعة من شخصية أروع
بس ليه ( بلاش السؤال دا دلوقتي ) ؟؟؟
و يا ترى إمتى ؟؟؟؟؟؟؟؟؟
كل سنة وانت طيبة يا شيكو و سايبالك تهنئة خاصة عندي في المدونة

شيماء الجمال يقول...

هههههههههه
كاريمان :) ربنا يخليكي ..كل سنة و انت طيبة ..بلاش عشان واحد منهم ولد أو راجل يعني وخايفة الحوار يتفهم غلط :)

Related Posts Plugin for WordPress, Blogger...

زوار المدونة