تحت شعار ابتكر لتقود تأسس نشاط pirates
ولكن لماذا اختار الفريق كلمة (بايرتس) أو القراصنة لتعبر عنهم ؟ اجابة هذا السؤال تعتبر فلسفة خاصة بهم، فهم يرون أن القراصنة هم أكثر من يتكيف مع الظروف السيئة، فكثيراً ما تكون الظروف على عكس رغباتهم وكثيراً ما يقابلون مصاعب ومخاطر، وبالرغم من ذلك يكيفون انفسهم مع المتغيرات التي تطرأ عليهم رغبة في الوصول للكنز.
بدأ الطلاب بالتحضير للنشاط منذ3 أشهر وقد ساعدت الكلية الفريق في توفير اماكن للإجتماعات والدورات كما قام الدكاترة والشركات المختلفة ووسائل الإعلام بتدعيمهم لتأدية مهمتهم.وبعد العديد من الإجتماعات والتجهيزات والتحضير والتدريب اللازم للمنظمين قامالشباب ببناء (البوث) بأنفسهم وطبعوا اللافتات الإعلانية وقاموا بإعلان النشاط والتعريف به.(الإسبوع الماضي).وسيبدأ الفريق في فصل الصيف الدورات والجلسات الفعلية للنشاط وعددها 6 جلسات يتبعها تطبيق فوري وعملي على الأجزاء المشروحة وهذا هو الجديد هنا.
مؤسسو النشاط هم : رضوى حسن(علاقات عامة)،ايهاب سعيد(رئيس النشاط)،عمرو أديب (موارد بشرية)،مروة مهدي (رئيس اللجنة الاكاديمية)، سعيد صالح (مخاطبة جهات الدعم).
وعن انطباعاتهم عن النشاط يبدأ ايهاب سعيد ويقول: " بما اننا الجيل الأول لبايرتيس فأنا مبسوط جداً لأننا أخيراً قدرنا نحول التصورات اللي كانت في دماغنا لواقع ملموس وقدرنا نشوفه بعنينا ".
أما مروة مهدي فتعلق : " لما نزلت سوق العمل لقيت حجات كتير ناقصة الشباب،فيه شباب كتير من بتتاح له فرصة التدريب العملي أثناء الدراسة وبالتالي مش بيمر بالخبرا ت المطلوبة لمواجهة سوق العمل،دورنا هنا اننا ننقل له الجزء العملي ده جوه الجامعة ".
وبدأ سعيد صالح في الحديث عن دوره في هذا النشاط قائلاً " دوري بيكمن في مخاطبة جهات الدعم اللي ممكن تساعدنا عشان ننفذ الأفكار سواء أماكن نجتمع فيها أو مطبوعات وخلافه".
وقال عمرو أديب بحماس : "أنا حاسس ان النشاط ده هيفرق جداً مع الطلاب لأنه او ل نشاط بيقدم علم (البحث و التطوير)
Research&Development
أما رضوى حسن فتبرر سبب انضمامها لهذا النشاط قائلة ً "دخلت النشاط ده لاني حسيت اني عايزة أعمل حاجة جديدة ومختلفة وميكونش ليها علاقة بالمذاكرة ..فكرت انه زي ما باخد من الجامعة لازم أديها ولازم أساهم في حاجة ايجابية تفيدني وتفيد غيري ".
هناك 11 تعليقًا:
اول زيارة مدونة حلوة
المفروض يكون التعليم مرتبط ب المنشئات الصناعية
لتخريج طلبة يقدرو يواجهو سوق العمل انما حاليا لا بس ابتدت مؤخرا بتحصل
نموذج كويس لحاجة الشباب محتاجاها
في ظل تعليمنا المبهر اللي بيخرج ناس بيتخاطفها سوق العمل !!!
اسلوبك جميل فى العرض....بسم الله ما شاء الله صحافيه شاطره....وان شاء الله مزيد من النجاح
بالنسبه للفكره كويسه....بس القراصنه تأقلموا بطريقه شريره...بدأوا يسرقوا السفن علشان يعيشوا....اعتقد ان اختيار الرمز خاطىء
دمتى بخير....تقبلى مرورى
حلو اسم القراصنة اسم يجذب الشباب صحيح رغم عدم اقتناعي ان الانسان صعب تغييره لا برمجة عصبية ولا غيره لان ببساطة الطبع يغلب التطبع والظروف والاحداث هي اللي بتتحكم في الانسان وفي ردود افعاله لكن ده ما يمنعش ان زي ما قالت فتاة من الصعيد صحفية بجد شاطررررة جدا وانا لي الشرف بمعرفتك لاني متاكد انك نجمك هيلمع اكتر من كده في يوم من الايام
خالص تحياتي يا شيماء
مواطن مصري ..منور ويارب متكونش آخر زيارة :)
معلم محمد..ما تبقاش تنساني بطعمياية بالسمسم لما تيجي تاني :)
فتاة من الصعيد..معاك حق في موضوع الإسم ده
حسام ..ربنا يخليك :)
أنا مش قادرة ابص ف وشك عشان نسيت أجندتك ..بس والله كانت الظروف مش لذيذة الكام يوم اللي فاتوا
حمادة ..شكراً هدخل على اللينك
حرااااااااام
انا هغير اسم المدونة !
انا محدش عدهالي ابداااااااا
بما انها أول زياره فلن أبدء بتفصيل إعجابى ولكن دمتى بهذا الجمال
اتمنى ان تتقبلى مرورى المتواضع
وان اتشرف بمرورك
ورود بألوان الربيع أنثرا لكى
إرسال تعليق