دوودلز Doodles
الدودلز هو نوع من أنواع الإسكتش ، يعني عمل فني لسة مكملش، وهو عبارة عن الخطوط الي بترسمها و مخك مشغول بحاجة أو سرحان. مثلا ً الشخابيط الي بترسمها وإنت بتتكلم في التيلفون أو وإنت سرحان تعتبر دوودلز. بدأ فن الدوودلز بتلاميذ المدارس و الجامعات ..ايوة ما تستغربوش، فاكرين لما المدرس كان بيبقى ممل جدا ً وكنا بنقعد نشخبط على الكراريس من ورا ؟ وبعد كده إهتم بيه الفنانين و طوروه لحد ما وصل لشكلة المتعارف عليه دلوقتي ،و الفن ده دخل مصر كفن رسمي تقام له معارض من فترة قريبة بس. فيه دكاترة نفسيين كتير متخصصين في تحليل الخطوط بيقولوا إن فن الدودلز ده يعتبر أحسن وسيلة للتعرف على الشخصية من خلال الرسم .
ليست هناك تعليقات:
إرسال تعليق