شركة جوجل عاملة مسابقة للأطفال الأيتام بمناسبة يوم اليتيم،جوجل هتخلي الأطفال يرسموا عن مصر ومعنى انك تكون مصري. والتصميم الفائز هينزل يوم 3 ابريل جنب اللوجو بتاع جوجل في الموقع أو بمعنى تاني هيدخلوا اللوجو في الرسم ..ناس محترمة وفكرة عبقرية ساعدتهم فيها جمعية رسالة الخيرية.
وائل غنيم مدير التسويق بجوجل الشرق الأوسط بيقول "نسعى دائماً لأن نكون مرآة تعكس ما يدور فى العالم من حولنا من خلال تغيير تصميم شعار جوجل على صفحة محرك البحث الرئيسية، لذالك وبمناسبة الاحتفال بيوم اليتيم فى 3 أبريل المقبل، فقد قمنا بإطلاق هذه المسابقة لأول مرة فى مصر والشرق الأوسط وتخصيصها للأيتام فى مصر."
دكاترة الفنون التطبيقية في الجامعة الألمانية إختاروا 25 تصميم عشان يدخلوا المسابقة دي و ممكن لمتصفحي الموقع انهم يدخلوا و يصوتوا للرسمة اللي تستاهل تفوز.دينيس هوانج ،المصمم المسؤل عن تصميم شعار جوجل،بيقول انه جوجل دايماً بتسعى للأفكار المبتكرة والجديدة لتصميم اللوجو ويوم اليتيم اوحى لهم بالفكرة دي لأنهم عايزين الاطفال يمتزجوا بالتكنولوجيا و يعبروا عن حبهم لبلدهم عن طريق جوجل ...والله العظيم ناس زي الفل!!
هناك 3 تعليقات:
ناس زوء زوء زوء صراحة جميل الخبر يا شيماء
طب ما تخليكي حلوة وتجيبيلي اللينك
والله بحاول اجيب اللينك :)
إرسال تعليق