Global Village -AIESEC

سلالم ..كلمة أبيحة !

مسار إجباري ..مفيش حاجة ،منيش مسنود ولا حاجة

رجلٌ ما

فدوى و تيشرتاتها

النهاردة كنت بغطي حدث مسلي جداً كان في حديقة الجزيرة بقصر النيل ، الحوار كله اسمه AIESEC وده بإختصار برنامج تبادل ثقافي ما بين 30 دولة . كان فيه النهاردة الشباب بتاع الدول دي ،هيحضروا كمان مؤتمر لمدة خمس أيام في شوم الشيخ..

الحفلة ابتدت الساعة 1 ونص الظهر : مسرح صغير ، مشروبات مجانية من "بيتي " ، عينة من أكلات كل البلاد ، 3 فرق بيغنوا سلالم و مسار اجباري و كايروكي ..بجد اليومين دول الواحد بيسمع فرق جامدة جداً ..

بجد المنظر يفتح النفس ، أزياء مختلفة و فلكلور ،شباب زي الورد من كل الجنسيات بيضحك ومبسوط ، شباب الفيس بوك ملموم وعامل community لذيذ ،أحمد هيمن ويحيى ديور وكاميراتهام الشقية بإحتراف ،فدوى عطية وتيشرتاتها التي لا تخلو من الإبداع ،منظر النيل و المراكب والترمس ..ميكس فظيع بين الرقي و الاصالة و الروشنة !