امبارح بليل

النهاردة كلمتني البت يمنى عشان نتقابل ،يمنى صديقتي منذ أكثر من عشر سنوات ،من ساعة ما كنت حتة عيلة في خامسة ابتدائي ،من ساعة ما كنت بتفرج على ART اطفال و بشتري عرايس باربي و باكل شيبسي تسالي(نوع شيبسي في السعودية ) مروراً بمرحلة تانية بطلنا فيها ARTو بقينا نترفج على LBC (الفضائية اللبنانية ) على التمثيليات المدبلجة ..صور باربي نزلت من على الحيطة و بقى مكانها مصطفى قمر، على أولى ثانوي كدة بقى مكانها بوسترت باك ستريت بويز ، خصوصاً كيفن ،أصل أنا كنت بحب كيفن و يمنى كانت بتحب هاوي دي !

يمنى هي اللي عزمت ..رحنا سيلنترو سيتي ستارز و طلبنا اتنين مشروب شيكولاتة بيضاء مثلجة مع الكريمة المخفوقة،احساس الكريمة المخفوقة دي و انت بتاكلها بالمعلقة كدة قبل ما تشرب احساس عالي جداً .بعدها أحضرت دفتر الزوار في سيلنترو و طلعت الأقلام وقعدت أرسم،رسمت رسمة فيها عيون كتير وعروسة "فيتيش" اللي هي بتاعة "من عين أمك"،"من عين أبوك" ورسمت كمان بيوت كتير كتير كتير لازقة ف بعض وسميت الرسمة "قلبي مساكن ايواء" !!

.بس و أنا برسم أخدتني الجلالة وقعدت أتخيل ان سيلنترو هيستخدموهم في تصميمات ورق الحائط وعلى المنيوهات ..

وصّلت يمنى لحد "الميكروباظ" وقعدت أتمشى لوحدي في البرد ..الدنيا كانت سقيييييييييييييييع ،أصلي كنت لابسة صيفي ..

هاتشووووووووووووووم ..دي النيجة !!!!