الجمعة، 8 أغسطس 2008

فيلم أحمد حلمي..من ساعة ما شوفته و أنا في حالة حزن عميقة ..مش عارفة أنام !!
مشهد أحمد حلمي و هو قاعد مع منة شلبي ع البحر و بيقولها "أنا نفسي أبقى زيك ، نفسي أضحك،نفسي أعيط"
مشهد أحمد حلمي لما جاله الدكتور النفسي في البيت و قعد يترعش و يزعق"
مشهد دلال عبد العزيز وهي بتقول لأحمد حلمي "أبوك مات ..مات..مات"
مشهد أحمد حلمي بعد لما ضرب البنت بالقلم و قعد ع الأرض يعيط.
مشهد أحمد حلمي و هو بيفتح الكاميرا و مش لاقي صور خالص لحبيبته"
مشهد حلمي و هو بيشرب سيجارة في الحمام و فاتح عنيه تحت المية.
مشهد حلمي و هو داخل المستشفى.
مشهد حلمي و هو بيكلم بباه في المستشفى.
أغنية شيرين ...أحلى إحساس في الدنيا
"مشهد حلمي لما رجع البيت و دخل مكتب بباه"

في المراية
هتعمل ايه لو نمت يوم وصحيت
بصيت وشوفت نفسك في المراية بكيت
جواك سؤال تصرخ تقول انا مين
انا زي ما انا ولا اتقسمت انتنين
وبعدين ..
قول يلي في المراية فهمنى ايه الحكاية
فرحان تعبان مرتاح ندمان؟
حاجات كتير في حياتنا
اتسببت في حيرتنا وادينا عايشيين
راضيين جايين ورايحيين
هتعمل ايه لو نمت يوم وصحيت
ولقيت اقرب ما ليك في الدنيا مش حواليك
هو انت مين اللي عمل كده فيك
مش انت ولا في حد غمى عنيك
وبعدين ..
قول يلي في المراية فهمنى ايه الحكاية
فرحان زعلان مرتاح ندمان
---------------------------------------------------
أغنية فيلم أحمد حلمي الجديد ، أول ما شفتها في الفيلم مبطلتش عياط !!!
كلمات:أيمن بهجت قمر
الحان:محمد يحيى
ما تيجي نسمع سوا الغنوة دي من الفيلم؟!

هناك 25 تعليقًا:

silverstone يقول...

u seems to be very sensitive ya shaimaa i saw this movie and it is really nice and had been touced wz the same shoots too

شيماء الجمال يقول...

silverstone:
u know i went out today to see the movie again..once is not enough :)
yeah you are right am really senseyive and i cry easily ..very

Zanooba (Zeinab sab9n) يقول...

Shimaa i adore sherien's song 2 ...and i cry every time i listen the song ...i hv not seen the movie but ur article makes me love the movie even before seeing it ...u r a very sensitive girl ...
tc and keep it up

شيماء الجمال يقول...

zanooba :
yaeh the song is very good and the movie is such a gr8 one>>thanks :)

دينا فهمي يقول...

مدونتك جميلة يا شيماء

شيماء الجمال يقول...

امرأه:
مدونتك انتي اللي جميلة أوي رومانسية كدة و حالمة..أنا بحبها :)
لكن هو ليه معندكيش لينك للتعليقات..هو مش موجود ولا انا مش لاقياه؟

Unknown يقول...

ياااااااا

انا لسة راجعة من بعد رؤيتى ليه لمرة التانية و عيطت برده فى مشهد اكتشاف موت الأب بالذات للمرة التانية
هو فعلا رائع

تحياتى

شيماء الجمال يقول...

اه يا عاليا...وهو بيقولها "أسكتي ..أسكتي .أسكتي"

عاشقة القمر يقول...

شيماء ..
فعلا الفيلم اكتر من رائع .. وزي مانتي شوفتي عندي في البلوج ماقدرتش اتفرج عليه من غير ما ارجع اتكلم عنه .. بجد عبقري وأداء أحمد فيه جامد آخر حاجة .. واتفرجت عليه مرتين وفي المرتين بعيط ..
عايزة اقولك ان دي اول زيارة ليا لمدونتك وعجبتني جدا ..
تقبلي تحياتي ومروري الاول واللي مش اخير ان شاء الله

مجلة الأم الصغيرة يقول...

الصدمة كانت جامدة أوي علينا لما كل ده طلع وهم في الآخر
بس مش عارفة ليه ماحستش إني في فيلم لأحمد حلمي .. مش هو ده الكوميديان اللي كل دقيقة بيضحكنا بالعكس اتصدمنا و بكينا.. أنا حبيت فيلم كدا رضا أكتر
بس الأغنية بجد روعة

شيماء الجمال يقول...

كاريمان :)
كده رشا برضه كان فيلك جامد جداً ، بس الفكرة ان الفيلم ده هو أول فيلم شبابي يتناول الموضوع ده بالحبكة الدرامية دي..ولحد دلوقتي مش قادرة أصدق أداء أحمد حلمي..ومش قادرة أصدق ان ده أول سيناريو لأيمن بهجت قمر..

شيماء الجمال يقول...

عاشقة القمر :)
منورة و ربنا ما يحرمناش من طلتك !

momken يقول...

الحقيقه انا ما شوفتش الفيلم
بس انا اكتر حاجه بتعجبنى فى احمد حلمى الحقيقه هى منى ذكى

بحس انه متكرر وهوهو

بس كلامك عن الفيلم شوقنى اوى اشوفه
ولو طلع وحش تحضرى عشرين جنيه ورق كبير

على فكره تحليلك جميل

تحياتى

محمد حمدي يقول...

الفيلم رائع وكتابتك عنه رائعة وانا كتبت عنه موضوع كامل فى البلوج عندى اظن انك شوقتيه وعلقتى عليه ..
الف شكر ليكى .. وكل فيلم رائع وانتى طيبة

شيماء الجمال يقول...

ممكن
الفيلم فعلاً بعيد كل البعد عن أفلام حلمي السابقة،وعلى فكرة ده يعني مش تحليل قوي ..انما مشاهد فضلت طول الليل أفطر فيها فكتبتها..
شكرأ لمرورك هنا :)

شيماء الجمال يقول...

حمدي
:)

محمد فكري يقول...

موضوع جميل جداً..
حقيقي اللي شاف الفيلم هايحس اللي انتي كتبتيه ده كله..
وبصراحة ده من أروع الأفلام اللي شفتها لأحمد حلمي إن لم يكن أروعها على الإطلاق..
.............
أي عمل فني يقدر يهزك ويحرك مشاعرك خصوصاً الإنسانية سواء كان العمل ده فيلم أو أغنية أو قصة أو شِعر أو..أو....حقيقي بيكو ناجح
شكراً ليكي يا شيماء.وده مرور أول على مدونتك..
سلام

AHMED SAMIR يقول...

الفيلم مش طبيعي في الروعة والجمال والكأبة كمان
لحد نصف الفيلم تحسي انه فيلم مالوش اي معنى
وتكون نقطة التحول في مشهد دلال عبد العزيز وهي بتواجهه بالحقيقة
من هنا بدأ فيلم من احلى الافلام المصرية في السنوات الاخيرة
احمد حلمي اثبت فعلا انه ممثل من العيار التقيل
بجد
فيلم انصح بمشاهدته
على فكرة مدونتك اكتر من تحفة...دي الزيارة الاولى ان شاء الله لن تكون الاخيرة
تحياتي

مجلة الأم الصغيرة يقول...

شيماء أنا جيت أسلم عليكي قبل ما أسافر عشان إنتي أول صديقة ليا من عالم التدوين
و إن شاء الله حتابعكو من هناك و حنزل أخباري

تحياتي لك

سلام يا جميلة

شيماء الجمال يقول...

كاريمان والله هتوحشينا :)
انتي مسافرة فين بقى ؟

شيماء الجمال يقول...

a samir
انت كمان مدونتك حلوة قوي :)
هقرأها بتمعن و ارد عليك هناك

Unknown يقول...

تحيتي لك
دي أول زيارة عشان كده هتكون دي دعوة مني لزيارة مدونتي المتواضعة أنا معنديش شك إن دي طريقة ممكن تدايقك وتقولي انها طريقة رخيصة للدعوة للمدونة بس بصراحة عجبتني مدونتك قوي وطمعت انك تزوريني يمكن المدونتين يبقوا اصحاب مثلا ولا ايه
كل ودي سيدتي

شيماء الجمال يقول...

عزيزي كاتب مصري :
أرجوك ما تقلش ان الطريقة دي ممكن تضايقني أو اني هقول عليها رخيصة،أصلاً أنا ليا الشرف ان كاتب متميز زيك يدخل البلوج بتاعتي وأنا اتشرفت بمعرفتك.أنا دخلت مدوناتك و هديك الرد هناك ان شاء الله..ويا ريت تزورني دايماً..
تحياتي..بس هو انت اسمك ايه؟؟

Alkomi يقول...

بصي انا شفتا الفيلم و عجبني بس برضه مايمنعش ان ليا نقد عليه

يعني مثلا

اول حاجة خالص ان الفيلم بيتكلم عن واحد من طبقة اجتماعية عالية جدا تقريبا بدون مشاكل ملموسة

تاني حاجة اداء احمد حلمي ماعجبنيش خالص في مشهدين مشهد مصارحته بوفاة والده و مشهد الصور اللي اختفت فيها منة شلبي في الكاميرا

بيتهيئلي الانفعالات كانت زيادة اوي

بس عموما الفيلم حلو اوي حتى لو فيه شبهة اقتباس لكنه فيلم بنكهة مصرية خالصة

اخر حاجة اكتر تمثيل عجبني في الفيلم

محمود حميدة

شيماء الجمال يقول...

محمد الكومي :صباح الفل
بص يا محمد بالنسبة لحكاية الشاب الغني في نظري كانت ضرورية كفايانا بقى ان أحمد حلمي يطلع واحد غلبان و الدنيا بتديلو على قفاه طول الوقت ..مرة يطلع نضيف من نفسه!!
أماموضوع المشهدين ده فأنا مختلفة فيه معاك تماماً في رأيي دول أحلى حاجة في الفيلم..
و الفيلم طبعاً فيه اقتباس و هذا موضوع آخر :)
تحياتي

Related Posts Plugin for WordPress, Blogger...

زوار المدونة