الأحد، 14 يونيو 2009

مع ولاضد حظر المواقع الإباحية؟


شيماء الجمال - عين

يوم 27 مايو وفق مجلس الشعب على قرار حظر المواقع الإباحية في مصر، ومنذ فترة كان قد تقدم العديد من المواطنون والمسئولون بطلب حظر تلك المواقع، وعلى مستوى الشباب، ظهرت العديد من الجروبات على الفيس لوك تحارب هذه المواقع وتطالب بمنعها، ومن أشهرهم جروب "أوقفوا المواقع الإباحية" وجروب "عايزين نجمع مليون توقيع لحجب المواقع الأباحية عن مصر"، الذي بلغ عدد أعضاؤه حتى الآن 13000 عضو والذي تساءل أعضاؤه عن فائدة عدم حجب هذه المواقع: " بتزود الدخل مثلا ؟ ..لأ ..بتجيب سياحة ؟..لأ..بتجيب دولار ؟..لأ ..بتجيب ضعف جنسى ؟..اه..بتجيب خراب فى البيوت ؟..اه..بتجيب وبتشجع على جرائم الاغتصاب ؟ .. اه"

كما تسائل أعضاء الجروب : "لو مصر حجبت المواقع الاباحية هيبقى خير ولا شر ؟ طب لو خير منعملوش ليه ؟طب لو شر منمنعوش ليه ؟.

وقالوا في بيان لهم أن المواقع الاباحية تقضي علي " الأشياء الضرورية التي ترعاها الشريعة الإسلامية لجميع رعاياها وهي : الدِّين، النفس، العقل، النسل، والمال" مشيرين الي أن السعودية والامارت قامتا بالفعل بحجب هذه المواقع ودعوا بضرورة الضغط على المسؤولين لتتطبيق القرار.

ومما شجع على المطالبة بالحظر بيان أصدره جوجل منذ فترة بأن مصر تحتل المركز الاول في البحث عن كلمة "سكس" في محرك البحث، الآن تفوقت الهند على مصر وأصبحت الهند في المركز الاول ومصر في المركز الثاني وللتأكد من هذه المعلومة يرجى كتابة كلمة

Sex

على هذا اللينك

http://www.google.com/trends?

لكن ياترى ما رأي الشباب في هذا القرار؟

في البداية بدأ محمد عمر وهو طالب في السنة الثانية بكلية الهندسة كلامه قائلاً " أنا أتمنى أن نحجب المواقع الإباحية لضررها على الشباب، لكن المشكلة في ان الممنوع مرغوب والشباب هيعرف يجيب الحجات دي من أي سكك تانية، ده غير ان كل المواقع الشهيرة زي الياهو والهوتميل والفيس بوك فيها روابط للمواقع دي وبالتالي هيتم حظر كل المواقع فهيبقى عندنا انترنت بدونت انترنت ! "

ويوافقه الرأي اسلام مصباح قائلاً " أنا مع حجب المواقع الاباحية، لأن معظم اللي بيدخلوا عليها مراهقين تحت 18 سنة، ولكن هذا لا يكفي لمنع انتشار الأفلام الاباحية، بل ايجاد سوق مزدهرة لهذه الأفلام على سيديهات مادمت المواقع مجحوبة" ولكنه يخاف أن يتم تعميم هذا القانون قتغلق المدونات والمواقع الجنسية الثقافية أو بمعنى الآخر المواقع الجنسية غير الإباحية لأن الثقافية الجنسية طلوبة.

وتأتي لنا اميرة طاهر برأي صادم ومختلف تماماً ، وهي فنانة تشكيلية شابة، قائلة :

"أنا ضد الحجب على وجه الإطلاق، يعني ولا اللي فيها صور وفيديوهات ولا اللي مفيهاش، وإيه هو تعريف البورنوجرافيا؟ كلمة إباحية هذه كلمة غير دقيقة وتعريب خاطئ، البورنوجرافيا تعريبها السليم الأفلام الجنسية بدون أي إسقاطات،على كلمات مثل إباحية وانحلالية.. ده كلام غير علمي.أما رأيي : " الأفلام الجنسية ترسخ لأداء جنسي أفضل بين الأزواج عند مشاهدتها، وهو مايسمي التعلّم عن طريق الملاحظة "!!

مروة سيد سراج لم ترغب في المناقشة وقالت "انا مع حظر المواقع دي 100 في ال100 لأنها كلها مواقه مقززة وهدامة "

هناك 8 تعليقات:

غير معرف يقول...

المقال جيد ....

لكن وجهه نظر أميره طاهر صدمتني ...

المسألة لها بعد أخلاقي يا ست ...
بغض النظر عن مسمى الموضوع ...
إحنا بنتكلم عن ذات الموضوع...

جدا مصدومة

غير معرف يقول...

لو الحجب دا هيلغي المدونات والفيس بوك والياهو والهوتميل طبهعا هبقي ضد الحجب

محمد حمدي يقول...

ماشى ياعم :)

مجلة الأم الصغيرة يقول...

لما كانت مصر هي الدولة الأولى في البحث عن المواقع الإباحية كانوا بيبعتولنا إيميلات تحمل اسم
finally we made a world record
آخيرا حققنا رقم قياسي
يعني هي دي الحاجة اللي عرفنا نحقق فيها رقم قياسي ؟؟؟
دايما كده مصر في صدارة كل شيء رجعي و بس؟؟
هو فيه تحليل تاني بردو
المصريين مايعرفوش غير كلمة sex اللي بيبحثوا بيها ولا كلمة تانى غير الكلمة دى بينما الأمريكان والأوروبيين عندهم مفردات كتير قوى فالعمليه عندهم بتتوزع رغم انى اعترف ان احنا أكيد بنتفرج اكتر منهم بس شوفي فرق عدد اللى بيدخلوا على النت بانتظام عندنا وعندهم
أني واي أنا أكيد مع حجب المواقع دي
بس فيه حاحة مش فاهماها إزاي مروة سيد سراج بتقول إنها ضد الحظر عشان المواقع دي مقززة و هدامة ؟؟
قصدك مع الحظر صح ؟

شيماء الجمال يقول...

4
انا كمان مصدومة من وجهة نظر أميرة بس لازم نعرض كلا مالناس زي ما هو.

شيماء الجمال يقول...

هاجر ..
الفكرة ان اللي عايز يعمل حاجة بيعملها

شيماء الجمال يقول...

محمد حمدي...

ماشي يا سيدي

شيماء الجمال يقول...

كاريمان:
صح ..تمام كدة

Related Posts Plugin for WordPress, Blogger...

زوار المدونة